Texts

saṃ jānatāṃ manasā saṃ cikitrāṃ mā yutsata manyunā daivyena / (1.1) Par.?

mā ghoṣa ut thād bahule vinirhate meṣuḥ paptad indrasyāhany āgate // (1.2) Par.?

saṃ vo manāṃsi saṃ vratā sam ākūtīr nayāmasi / (2.1) Par.?

ime ye vivratā stha tān vaḥ saṃ jñapayāmasi // (2.2) Par.?

saṃjñapanaṃ vo manaso atho saṃjñapanaṃ hṛdaḥ / (3.1) Par.?

atho bhagasya yac chrāntaṃ tena saṃ jñapayāti vaḥ // (3.2) Par.?

saṃ vaḥ pṛcyantāṃ tanvaḥ saṃ manāṃsi sam u tvacaḥ / (4.1) Par.?

saṃ vo brahmaṇaspatiḥ somaḥ saṃ jñapayāti vaḥ // (4.2) Par.?

saṃjñānaṃ naḥ svebhyaḥ saṃjñānam araṇebhyaḥ / (5.1) Par.?

saṃjñānam aśvinā yuvam ihāsmāsu ni yacchatam // (5.2) Par.?

yathādityā vasubhiḥ saṃbabhūvur marudbhir ugrā ahṛṇīyamānāḥ / (6.1) Par.?

evā triṇāmann ahṛṇīyamāna imaṃ janaṃ saṃmanasaṃ kṛṇu tvam // (6.2) Par.?

nir amuṃ nuda okasaḥ sapatno yaḥ pṛtanyati / (7.1) Par.?

nirbādhyena haviṣendra enaṃ parāśarīt // (7.2) Par.?

ihi tisraḥ parāvata ihi pañca janāṁ ati / (8.1) Par.?

ihi saptāti rocanā yāvat sūryo asad divi // (8.2) Par.?

paramāṃ tvā parāvatam indro devo ajīgamat / (9.1) Par.?

yato na punar āyasi śaśvatībhyaḥ samābhyaḥ // (9.2) Par.?

pratīcīnaphala ity āṣṭarcikyau // (10.1) Par.?

aghadviṣṭā devajūtā vīruc chapathayāvanī / (12.1) Par.?

udnā malam ivāvānaik sarvān mac chapathāṁ adhi // (12.2) Par.?

yad enaṃ pariṣīdanti samādadhati cakṣase / (13.1) Par.?

saṃpreddho agnir jihvābhir ud eti hṛdayād adhi // (13.2) Par.?

agneḥ sāṃtapanasyāham āyuṣe padam ā rabhe / (14.1) Par.?

addhātir yasya paśyati dhūmam udyantam āsyataḥ // (14.2) Par.?

yo asya samidhaṃ veda kṣatriyeṇa samāhitām / (15.1) Par.?

nābhihvāre padaṃ ni dadhāti sa mṛtyave // (15.2) Par.?

nainaṃ ghnanti paryāyiṇo na sannāṁ ava gacchati / (16.1) Par.?

agner yaḥ kṣatriyo vidvān nāma gṛhṇāty āyuṣe // (16.2) Par.?