Texts

yasyedam ā rajo yujas tuje janaṃ vanaṃ svaḥ / (1.1) Par.?

indrasya nādhṛṣe śavaḥ // (1.2) Par.?

dhṛṣāṇaṃ dhṛṣataḥ śavaḥ purā yathā yatiṣṭhan / (2.1) Par.?

indrasya rantyaṃ mahat // (2.2) Par.?

sa no dadhātu taṃ rayiṃ puruṃ piśaṅgapeśasam / (3.1) Par.?

indraḥ patis tuviṣṭamo janeṣv ā // (3.2) Par.?

āyur agna ihā vaha jātavedas tanūvaśin / (4.1) Par.?

yathāhaṃ jyog ihāsāni prajānām adhipā vaśī // (4.2) Par.?

āyur indro dadhātu ma āyur devo bṛhaspatiḥ / (5.1) Par.?

āyur me viśve devā ahorātre ca cakratuḥ // (5.2) Par.?

āyur āyuṣyā pavatāṃ prāṇaṃ prāṇo dadhātu me / (6.1) Par.?

devā yac cakrur devebhyaḥ svar yanto yathāyatham // (6.2) Par.?

ut patantu nabhasvatīḥ samudrād adhi ghoṣiṇīḥ / (7.1) Par.?

utsyāḥ samudriyā apas tābhiṣ ṭvā tarpayāmasi // (7.2) Par.?

yā āpo divyā yā vātāt pari jajñire / (8.1) Par.?

indro marutvāṃs tṛptātmā tābhiṣ ṭvā tarpayāmasi // (8.2) Par.?

yāḥ śuṣkā yā hariṇīr yā bhūmim anu vāvṛdhuḥ / (9.1) Par.?

sarvāḥ samagrā oṣadhīs tābhiṣ ṭvā tarpayāmasi // (9.2) Par.?

ā no medhā sumatir viśvarūpā giro bṛhatīr āveśayantī / (10.1) Par.?

ruco me bahvīr ny anaktu gā iva yathāsāma bhuvaneṣu karṇinaḥ // (10.2) Par.?

dīkṣā tapo manaso mātariśvā bṛhaspatir vāco asyāḥ sa yoniḥ / (11.1) Par.?

vedāṃsi vidyā mayi santu bahvīr agnīṣomā yaśo asmāsu dhattam // (11.2) Par.?

yad agne tapasā tapa upaprekṣāmahe vayam / (12.1) Par.?

priyāḥ śrutasya bhūyāsmāyuṣmantaḥ sumedhasaḥ // (12.2) Par.?

yas tvā mātur uta vā pituḥ pari jāyamānam abhisaṃbabhūva / (13.1) Par.?

taṃ tvad yakṣmam adhi nāśayāmaḥ so 'nyasmiñ chrayātai praviṣṭaḥ // (13.2) Par.?

yas te yakṣmo hṛdayeṣṭho nābhiṣṭhā udaraṃgamaḥ / (14.1) Par.?

atho yaḥ śiśriye parau taṃ tvad yakṣmam adhi nāśayāmaḥ so 'nyasmiñ chrayātai praviṣṭaḥ // (14.2) Par.?

śīrṣarogam aṅgarogaṃ snāvavarham abhiśāciṃ visalpakam / (15.1) Par.?

yas te yakṣmo majjasu paruḥsu yo gudāsu taṃ tvad yakṣmam adhi nāśayāmaḥ so 'nyasmiñ chrayātai praviṣṭaḥ // (15.2) Par.?