Texts
Select a text:
Bibliography
Bibliography
Select a chapter:
2 revisions
Show parallels Show headlines
Use dependency labeler
2 revisions
Associated topic(s): sacrificial post, yūpa
Show parallels Show headlines
Use dependency labeler
Chapter id: 10950
- Click on a sentence to show its analysis
- Keep the mouse pointer over a lemma to show its meanings.
yajñena vai devā ūrdhvāḥ svargaṃ lokam āyan / (1.1) Par.?
te 'bibhayur imaṃ no dṛṣṭvā manuṣyāś ca ṛṣayaś cānuprajñāsyantīti / (1.2) Par.?
taṃ vai yūpenaivāyopayan / (1.3) Par.?
taṃ yad yūpenaivāyopayaṃs tad yūpasya yūpatvam / (1.4) Par.?
tam avācīnāgraṃ nimityordhvā udāyan / (1.5) Par.?
tato vai manuṣyāś ca ṛṣayaś ca devānāṃ yajñavāstv abhyāyan / (1.6) Par.?
yajñasya kiṃcid eṣiṣyāmaḥ prajñātyā iti / (1.7) Par.?
te vai yūpam evāvindann avācīnāgraṃ nimitam / (1.8) Par.?
te 'vidur anena vai devā yajñam ayūyupann iti / (1.9) Par.?
tam utkhāyordhvaṃ nyaminvan / (1.10) Par.?
tato vai te pra yajñam ajānan pra svargaṃ lokam // (1.11) Par.?
tad yad yūpa ūrdhvo nimīyate yajñasya prajñātyai svargasya lokasyānukhyātyai // (2) Par.?
vajro vā eṣa yad yūpaḥ / (3.1) Par.?
so 'ṣṭāśriḥ kartavyaḥ / (3.2) Par.?
aṣṭāśrir vai vajraḥ / (3.3) Par.?
taṃ tam praharati dviṣate bhrātṛvyāya vadhaṃ yo 'sya stṛtyas tasmai startavai // (3.4) Par.?
vajro vai yūpaḥ / (4.1) Par.?
sa eṣa dviṣato vadha udyatas tiṣṭhati / (4.2) Par.?
tasmāddhāpy etarhi yo dveṣṭi tasyāpriyam bhavaty amuṣyāyaṃ yūpo 'muṣyāyaṃ yūpa iti dṛṣṭvā // (4.3) Par.?
khādiraṃ yūpaṃ kurvīta svargakāmaḥ / (5.1) Par.?
khādireṇa vai yūpena devāḥ svargaṃ lokam ajayan / (5.2) Par.?
tathaivaitad yajamānaḥ khādireṇa yūpena svargaṃ lokaṃ jayati // (5.3) Par.?
bailvaṃ yūpaṃ kurvītānnādyakāmaḥ puṣṭikāmaḥ / (6.1) Par.?
samāṃ samāṃ vai bilvo gṛbhītaḥ / (6.2) Par.?
tad annādyasya rūpam / (6.3) Par.?
ā mūlācchākhābhir anucitaḥ / (6.4) Par.?
tat puṣṭeḥ // (6.5) Par.?
puṣyati prajāṃ ca paśūṃś ca ya evaṃ vidvān bailvaṃ yūpaṃ kurute // (7) Par.?
yad eva bailvāṃ bilvaṃ jyotir iti vā ācakṣate // (8) Par.?
jyotiḥ sveṣu bhavati śreṣṭhaḥ svānām bhavati ya evaṃ veda // (9) Par.?
pālāśaṃ yūpaṃ kurvīta tejaskāmo brahmavarcasakāmaḥ / (10.1) Par.?
tejo vai brahmavarcasaṃ vanaspatīnām palāśaḥ // (10.2) Par.?
tejasvī brahmavarcasī bhavati ya evaṃ vidvān pālāśaṃ yūpaṃ kurute // (11) Par.?
yad eva pālāśāṃ sarveṣāṃ vā eṣa vanaspatīnāṃ yonir yat palāśaḥ / (12.1) Par.?
tasmāt palāśasyaiva palāśenācakṣate 'muṣya palāśam amuṣya palāśam iti // (12.2) Par.?
sarveṣāṃ hāsya vanaspatīnāṃ kāma upāpto bhavati ya evaṃ veda // (13) Par.?
Duration=0.22721409797668 secs.