Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 16165
  • Click on a sentence to show its analysis
  • Keep the mouse pointer over a lemma to show its meanings.
śaśvaddha te parābhūtā devānām aśanayā // (1) Par.?
atha ya enam anvāyatanta ta ima etarhi pariśiṣṭāḥ // (2) Par.?
ta u evāparyuṣitā bhavitāraḥ // (3) Par.?
sa haiṣa vaiśvadevaḥ stomaḥ // (4) Par.?
viśveṣāṃ haiva devānāṃ purā stoma āsa // (5) Par.?
tena yad agnim astuvan sāsyāgniṣṭomatā // (6) Par.?
agniṃ hainenāstuvan // (7) Par.?
stuvate hainena svās stuvate 'raṇāḥ // (8) Par.?
stuvate hainena jane svā ya evaṃ veda // (9) Par.?
sa haiṣa navaikaviṃśān abhisaṃpadyate // (10) Par.?
dvādaśa māsāḥ pañcartavas traya ime lokā asāv āditya ekaviṃśaḥ // (11) Par.?
ekā stotriyātiricyate // (12) Par.?
yajamāno haiva so 'tiricyate yo vaivaṃ veda // (13) Par.?
yathā ha girau jyotir bhāyād evaṃ tasyāṃ janatāyāṃ bhāti yasyāṃ bhavati ya evaṃ veda // (14) Par.?
sa u evaikaviṃśatiṃ trivṛto 'bhisaṃpadyate // (15) Par.?
agnir vai trivṛt // (16) Par.?
tad yad vai kiṃ ca trivṛt tat sarvam agnim evābhisaṃpadyate // (17) Par.?
yāś ca ha mahatyaḥ sampado yāś ca kṣullikās tā ha sarvā evaṃvidam abhisaṃpadyante // (18) Par.?
sarva enaṃ kāmā abhisaṃpadyante ya evaṃ veda // (19) Par.?
sa eṣa ekaviṃśatyā trivṛdbhir amuṣminn āditye pratiṣṭhito navabhir asāv ekaviṃśair asmin // (20) Par.?
tāv etāv evam anyonyasmin pratiṣṭhitau // (21) Par.?
pratitiṣṭhati ya evaṃ veda // (22) Par.?
Duration=0.13984680175781 secs.