Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16276

sa indraḥ // (1) Par.?

indraḥ sarve devāḥ // (2) Par.?

sa haiva devalokaṃ gamayati ya evaṃ vidvān udgāyati // (3) Par.?

atha hānye gandharvalokaṃ vaiva pitṛlokaṃ vā gamayanti // (4) Par.?

atho hāsyaitābhyām eva dhūrbhyāṃ sarvā dhura upāptā bhavanti // (5) Par.?

prajāpatir yajñam asṛjata // (6) Par.?

taṃ devebhyaḥ prāyacchat // (7) Par.?

gāyatreṇaiva prātassavanaṃ prāyacchat // (8) Par.?

sāmabhir mādhyaṃdinaṃ savanaṃ tṛtīyasavanaṃ ca // (9) Par.?

āmahīyavapratipad eva mādhyaṃdinaṃ savanam āsīt // (10) Par.?

saṃhitapratipat tṛtīyasavanam // (11) Par.?

tenāyajanta // (12) Par.?

teṣāṃ yad eva gāyatraṃ śira āsīt tat samabhavat // (13) Par.?

te devāḥ prajāpatim upetyābruvann ekaṃ vāva kila sāmāsa gāyatram eva // (14) Par.?

yad vāva no gāyatraṃ śiro 'bhūt tat samabhūt // (15) Par.?

tathā na imaṃ yajñaṃ vidhehi yathā sarva eva sāṅgāḥ satanavo 'mṛtāḥ saṃbhavāmeti // (16) Par.?

sa etasmād eva prātassavanāt ṣaḍ gāyatrāṇy udakhidat // (17) Par.?

trīṇi mādhyaṃdinaṃ savanam avāharat // (18) Par.?

trīṇi tṛtīyasavanam // (19) Par.?

tam abruvan yata idam ādithāḥ kim iha bhaviṣyatīti // (20) Par.?

so 'bravīc chandāṃsy atra prativapsyāmi chandobhir etā ākhyāyiṣyanta iti // (21) Par.?

yad abravīc chandāṃsy atra prativapsyāmi chandobhir etā ākhyāyiṣyanta iti tasmād etā gāyatrīḥ satīś chandobhir ākhyāyante // (22) Par.?

athopagītenaiva te 'yajanta // (23) Par.?

te sarva eva sāṅgāḥ satanavo 'mṛtāḥ samabhavan // (24) Par.?

sarvo haiva sāṅgaḥ satanur amṛtaḥ sambhavati ya evaṃ veda // (25) Par.?

etasmāt tad yad vidvāñchreyān bhavatīti ha smāha śāṭyāyaniḥ // (26) Par.?

Duration=0.098066091537476 secs.