Texts

samprasṛptān viditvādhvaryuḥ savanīyān puroḍāśān yācati // (1) Par.?

athaiṣa āgnīdhro jaghanena gārhapatyam upaviśya pātryāṃ pañcadhopastṛṇīte // (2) Par.?

madhyataḥ puroḍāśam upastīrṇābhighāritam udvāsayati // (3) Par.?

purastād dhānāḥ // (4) Par.?

dakṣiṇataḥ karambham // (5) Par.?

paścāt parivāpam // (6) Par.?

āmikṣām uttarataḥ // (7) Par.?

athaināni samparigṛhya pūrvayā dvāropanirhṛtyottareṇa sadaḥ parītyottareṇāgnīdhrīyaṃ dhiṣṇiyaṃ paryāhṛtyāntarvedy āsādayati // (8) Par.?

atha juhūpabhṛtor upastṛṇāna āha prātaḥ prātaḥsāvasyendrāya puroḍāśānām avadīyamānānām anubrūhīti // (9) Par.?

dviḥ puroḍāśasyāvadyati // (10) Par.?

dvir dhānānām // (11) Par.?

dviḥ karambhasya // (12) Par.?

dviḥ parivāpasya // (13) Par.?

dvir āmikṣāyāḥ // (14) Par.?

abhighārayati // (15) Par.?

pratyanakti // (16) Par.?

athopabhṛti sviṣṭakṛte sarveṣāṃ sakṛt sakṛd uttarārdhād avadyati // (17) Par.?

dvir abhighārayati // (18) Par.?

na pratyanakti // (19) Par.?

atyākramyāśrāvyāha prātaḥ prātaḥsāvasyendrāya puroḍāśān prasthitān preṣyeti // (20) Par.?

vaṣaṭkṛte juhoti // (21) Par.?

atha samāvapamāna āhāgnaye 'nubrūhīti // (22) Par.?

āśrāvyāhāgnaye preṣyeti // (23) Par.?

vaṣaṭkṛta uttarārdhapūrvārdhe 'tihāya pūrvā āhutīr juhoti // (24) Par.?

athodaṅṅ atyākramya yathāyatanaṃ srucau sādayitvā pātryām iḍāṃ samavadhāya pratīcaḥ puroḍāśān prahiṇoti // (25) Par.?

anu haike saṃyanti paśava iḍeti vadantaḥ // (26) Par.?

atha prāṅ āyann āha vāyava indravāyubhyām anubrūhīti // (27) Par.?

tacchrutvā pratiprasthātaindravāyavasya pratinirgrāhyaṃ gṛhṇāti droṇakalaśāt pariplunā pātreṇādityasthālyā aupaśaye pātra upayāmagṛhīto 'si vākṣasad asi vākpābhyāṃ tvā kratupābhyām asya yajñasya dhruvasyādhyakṣābhyāṃ gṛhṇāmīti // (28) Par.?

grahāv ādāyopaniṣkrāmati // (29) Par.?

upaniṣkrāntasyaivādhvaryur grahāv ādatte // (30) Par.?

uttaratas tiṣṭhate pratiprasthātre pratinirgrāhyaṃ prayacchati // (31) Par.?

atha vai bhavati // (32) Par.?

aindravāyavam ādāyāghāram āghārayed iti // (33) Par.?

sa ājyasthālyāḥ sruveṇopahatyaindravāyavam ādāyāghāram āghārayaty adhvaro yajño 'yam astu devā oṣadhībhyaḥ paśave no janāya viśvasmai bhūtāyādhvaro 'si sa pinvasva ghṛtavad deva soma svāheti // (34) Par.?

athāśrāvayaty o śrāvayāstu śrauṣaḍ vāyava indravāyubhyāṃ preṣyeti // (35) Par.?

vaṣaṭkṛte 'dhvaryuḥ pūrvo juhoti // (36) Par.?

dvitīyaṃ vaṣaṭkṛte sahobhau juhutaḥ // (37) Par.?

hutvā vācayati yo na indravāyū abhidāsati bhrātṛvya utpipīte śubhaspatī idam ahaṃ tam adharaṃ pādayāmi yathendrāham uttamaś cetayānīti // (38) Par.?

atha pratiprasthātādhvaryoḥ pātre grahasya saṃsrāvam avanayati // (39) Par.?

ubhayor ardham adhvaryuḥ pratiprasthātuḥ pātre 'vanayati // (40) Par.?

taṃ pratiprasthātādityasthālyām avanayati devebhyas tveti // (41) Par.?

athādhvaryuḥ pradakṣiṇam āvṛtya pratyaṅṅ ādrutya hotre pātraṃ pradāya prāṅ āyann āha mitrāvaruṇābhyām anubrūhīti // (42) Par.?

tac chrutvā pratiprasthātā maitrāvaruṇasya pratinirgrāhyaṃ gṛhṇāti droṇakalaśāt pariplunā pātreṇādityasthālyā aupaśaye pātra upayāmagṛhīto 'sy ṛtasad asi cakṣuṣpābhyāṃ tvā kratupābhyām asya yajñasya dhruvasyādhyakṣābhyāṃ gṛhṇāmīti // (43) Par.?

grahāv ādāyopaniṣkrāmati // (44) Par.?

upaniṣkrāntasyaivādhvaryur grahāv ādatte // (45) Par.?

uttaratas tiṣṭhate pratiprasthātre pratinirgrāhyaṃ prayacchati // (46) Par.?

athāśrāvayaty o śrāvayāstu śrauṣaṇ mitrāvaruṇābhyāṃ preṣyeti // (47) Par.?

vaṣaṭkṛte sahobhau juhutaḥ // (48) Par.?

hutvā vācayati yo no mitrāvaruṇāv abhidāsati bhrātṛvya utpipīte śubhaspatī idam ahaṃ tam adharaṃ pādayāmi yathendrāham uttamaś cetayānīti // (49) Par.?

atha pratiprasthātādhvaryoḥ pātre grahasya saṃsrāvam avanayati // (50) Par.?

ubhayor ardham adhvaryuḥ pratiprasthātuḥ pātre 'vanayati // (51) Par.?

taṃ pratiprasthātādityasthālyām avanayati viśvadevebhyas tveti // (52) Par.?

athādhvaryuḥ pradakṣiṇam āvṛtya pratyaṅṅ ādrutya hotre pātraṃ pradāya prāṅ āyann āhāśvibhyām anubrūhīti // (53) Par.?

tac chrutvā pratiprasthātāśvinasya pratinirgrāhyaṃ gṛhṇāti droṇakalaśāt pariplunā pātreṇādityasthālyā aupaśaye pātra upayāmagṛhīto 'si śrutasad asi śrotrapābhyāṃ tvā kratupābhyām asya yajñasya dhruvasyādhyakṣābhyāṃ gṛhṇāmīti // (54) Par.?

grahāv ādāyopaniṣkrāmati // (55) Par.?

upaniṣkrāntasyaivādhvaryur grahāv ādatte // (56) Par.?

uttaratas tiṣṭhate pratiprasthātre pratinirgrāhyaṃ prayacchati // (57) Par.?

athāśrāvayaty o śrāvayāstu śrauṣaḍ aśvibhyāṃ preṣyeti // (58) Par.?

vaṣaṭkṛte sahobhau juhutaḥ // (59) Par.?

hutvā vācayati yo no 'śvināv abhidāsati bhrātṛvya utpipīte śubhaspatī idam ahaṃ tam adharaṃ pādayāmi yathendrāham uttamaś cetayānīti // (60) Par.?

atha pratiprasthātādhvaryoḥ pātre grahasya saṃsrāvam avanayati // (61) Par.?

ubhayor ardham adhvaryuḥ pratiprasthātuḥ pātre 'vanayati // (62) Par.?

taṃ pratiprasthātādityasthālyām avanayati viśvebhyas tvā devebhya iti // (63) Par.?