Texts

tau devau śukrāmanthinau kalpayataṃ daivīr viśaḥ kalpayataṃ mānuṣīr iṣam ūrjam asmāsu dhattaṃ prāṇān paśuṣu prajāṃ mayi ca yajamāne ceti // (1) Par.?

athāprokṣitau śakalau bahirvedi nirasyataḥ // (2) Par.?

nirastaḥ śaṇḍaḥ sahāmunety adhvaryur yaṃ yajamāno dveṣṭi taṃ manasā dhyāyati // (3) Par.?

nirasto markaḥ sahāmuneti pratiprasthātā yaṃ yajamāno dveṣṭi taṃ manasā dhyāyati // (4) Par.?

athāpa upaspṛśya prokṣitāv abhyādhattaḥ // (5) Par.?

śukraiṣā te samit tayā samidhyasva svāhety adhvaryuḥ // (6) Par.?

manthinn eṣā te samit tayā samidhyasva svāheti pratiprasthātā // (7) Par.?

etasmin kāle camasādhvaryavaś camasān upodyacchante // (8) Par.?

athādhvaryuḥ purastātpratyaṅ tiṣṭhann āśrāvayaty o śrāvayāstu śrauṣaṭ prātaḥ prātaḥsāvasya śukravato manthivato madhuścuta indrāya somān prasthitān preṣyeti // (9) Par.?

vaṣaṭkṛte sahobhau juhutaḥ sa prathamaḥ saṃkṛtir viśvakarmā sa prathamo mitro varuṇo agniḥ / (10.1) Par.?

sa prathamo bṛhaspatiś cikitvān tasmā indrāya sutam ājuhomi svāheti // (10.2) Par.?

vaṣaṭkṛtānuvaṣaṭkṛte dvir juhutaḥ // (11) Par.?

tathaiva dvirdviḥ sarvāṃś camasāñ juhvati // (12) Par.?

atha saṃpraiṣam āha praitu hotuś camasaḥ pra brahmaṇaḥ prodgātuḥ pra yajamānasya pra sadasyasya hotrakāṇāṃ camasādhvaryavaḥ sakṛt sakṛd droṇakalaśād abhyunnīyopāvartadhvaṃ hotuś camasādhvaryav uparamaihi pratiprasthātar uttarārdha āhavanīyasya manthinaḥ saṃsrāvaṃ juhudhīti // (13) Par.?

yathāsaṃpraiṣaṃ te kurvanti // (14) Par.?

atha pradakṣiṇam āvṛtya hotṛcamase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā // (15) Par.?

atha pratiprasthātottarārdha āhavanīyasya manthinaḥ saṃsrāvaṃ juhoty eṣa te rudra bhāgo yaṃ nirayācathās taṃ juṣasva vider gaupatyaṃ rāyaspoṣaṃ suvīryaṃ saṃvatsarīṇāṃ svastiṃ svāheti // (16) Par.?

athāpa upaspṛśya śukrapātraṃ ca manthipātraṃ ca khare yathāyatanaṃ sādayati // (17) Par.?

yanty ete mahartvijāṃ camasāḥ // (18) Par.?

athaite hotrakāṇāṃ camasādhvaryavaḥ sakṛtsakṛd droṇakalaśād abhyunnīyopāvartante // (19) Par.?

teṣāṃ maitrāvaruṇacamasam ādāyāśrāvyāha praśāstar yajeti // (20) Par.?

vaṣaṭkṛtānuvaṣaṭkṛte dvir juhoti // (21) Par.?

brahman yaja potar yaja neṣṭar yajāgnīd yajeti pañca hotrāḥ saṃyājya pradakṣiṇam āvṛtya pratyaṅṅ ādrutyāgreṇa hotāram upaviśaty ayāḍ agnīd iti // (22) Par.?

sa bhadram akar ity āha hotā yo naḥ somaṃ rājānaṃ pāyayiṣyatīti // (23) Par.?

atha hotādatta aindravāyavapātram // (24) Par.?

āttam evādhvaryur anvārabhate // (25) Par.?

anvārabdhe 'dhvaryau hotopahavam iṣṭvā bhakṣayati yathā sa veda // (26) Par.?

tathānvārabdhe hotary adhvaryur upahavam iṣṭvā bhakṣayati mayi vasuḥ purovasur vākpā vācaṃ me pāhīti // (27) Par.?

atha hotā bhakṣayati // (28) Par.?

athādhvaryuḥ // (29) Par.?

athainaddhotre 'nuṣajati // (30) Par.?

taddhotā yathāyatanaṃ sādayati // (31) Par.?

atha hotādatte maitrāvaruṇapātram // (32) Par.?

āttam evādhvaryur anvārabhate // (33) Par.?

anvārabdhe 'dhvaryau hotopahavam iṣṭvā bhakṣayati yathā sa veda // (34) Par.?

tathānvārabdhe hotary adhvaryur upahavam iṣṭvā bhakṣayati mayi vasur vidadvasuś cakṣuṣpāś cakṣur me pāhīti // (35) Par.?

athainaddhotre 'nuṣajati // (36) Par.?

taddhotā yathāyatanaṃ sādayati // (37) Par.?

atha hotādatta āśvinapātram // (38) Par.?

āttam evādhvaryur anvārabhate // (39) Par.?

anvārabdhe 'dhvaryau hotopahavam iṣṭvā bhakṣayati yathā sa veda // (40) Par.?

tathānvārabdhe hotary adhvaryur upahavam iṣṭvā bhakṣayati mayi vasuḥ saṃyadvasuḥ śrotrapāḥ śrotraṃ me pāhīti // (41) Par.?

sarvataḥ parihāram āśvinaṃ bhakṣayatīti brāhmaṇam // (42) Par.?

athainaddhotre 'nuṣajati // (43) Par.?

taddhotā yathāyatanaṃ sādayati // (44) Par.?

athāpa upaspṛśya hotra iḍām upodyacchante // (45) Par.?