Texts

utpūtena navanītenānutpūtena vā sarpiṣā sthālīpākam abhighāryaikasphyāyāṃ mekṣaṇam āsādya sthālīpākam āsādayati // (1) Par.?

dakṣiṇataḥ kaśipūpabarhaṇam āñjanam abhyañjanam udakumbham ity ekaikaśa āsādayati // (2) Par.?

adhvaryur upavīto dakṣiṇaṃ jānv ācya mekṣaṇa upastīrya tenāvadāyābhighārya somāya pitṛpītāya svadhā nama iti dakṣiṇāgnau juhoti // (3) Par.?

yamāyāṅgirasvate pitṛmate svadhā nama iti dvitīyām / (4.1) Par.?

agnaye kavyavāhanāya svadhā nama iti tṛtīyām // (4.2) Par.?

ye mekṣaṇe taṇḍulās tān hutvā tūṣṇīṃ mekṣaṇam ādadhāti // (5) Par.?

na yamāya juhotīty eke // (6) Par.?

apayantv asurāḥ pitṛrūpā ye rūpāṇi pratimucyācaranti / (7.1) Par.?

parāpuro nipuro ye bharanty agniṣ ṭāṃl lokāt praṇudāty asmāt / (7.2) Par.?

ye devāḥ pitaro ye ca mānuṣā ye garbhe mamrur uta ye parāstāḥ / (7.3) Par.?

ya uddhatā uta ye nikhātās te samyañca iha mādayantām / (7.4) Par.?

ye rūpāṇi pratimuñcamānā asurāḥ santaḥ svadhayā caranti / (7.5) Par.?

parāpuro nipuro ye bharanty agniṣ ṭāṃl lokāt praṇudāty asmāt / (7.6) Par.?

ye jñātīnāṃ pratirūpāḥ pitṝn māyayāsurāḥ praviṣṭāḥ / (7.7) Par.?

parāpuro nipuro ye bharanty agne tān asmāt praṇudasva lokād iti dakṣiṇāgner ekolmukaṃ dhūpāyaddharati // (7.8) Par.?

dakṣiṇāpūrvam avāntaradeśaṃ sakṛt sphyenollikhyodīratām avara ity adbhir avokṣyollikhitānte nidadhāti // (8) Par.?

yajamāno 'ta ūrdhvaṃ prācīnāvītī karmāṇi karoti // (9) Par.?

mārjayantāṃ mama pitaro mārjayantāṃ mama pitāmahā mārjayantāṃ mama prapitāmahā ity ekasphyāyāṃ trīn udakāñjalīn ninayati // (10) Par.?

prasavyaṃ vā triḥ pariṣiñcati // (11) Par.?

trīn udapātrān vājasaneyinaḥ samāmananti // (12) Par.?