Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16558

Click on a sentence to show its analysis
Keep the mouse pointer over a lemma to show its meanings.

somena yakṣyamāṇo brāhmaṇān ārṣeyān ṛtvijo vṛṇīte yūnaḥ sthavirān vānūcānān ūrdhvavāco 'naṅgahīnān // (1.1) Par.?

tebhyaḥ somaṃ prāha // (2.1) Par.?

taṃ pṛcchati ka ṛtvijaḥ ke yājayanti kaccin nāhīnaḥ kaccin na nyastam ārtvijyaṃ kaccit kalyāṇyo dakṣiṇā iti chandogabrāhmaṇaṃ bhavati // (3.1) Par.?

atha japati mahan me 'voco bhargo me 'voco yaśo me vocaḥ stomaṃ me 'vocaḥ kﾱptiṃ me 'voco bhuktiṃ me 'vocaḥ sarvaṃ me 'vocas tan māvatu tan māviśatu tena bhukṣiṣīyeti // (4.1) Par.?

padvā nāmāsi srutiḥ somasaraṇī somaṃ gameyam iti panthānam ātiṣṭhate // (5.1) Par.?

devo devam etu somaḥ somam etv ṛtasya pathā vihāya dauṣkṛtyam ity abhipravrajati // (6.1) Par.?

pitaro bhūr iti dakṣiṇāvṛttaḥ pitṝn upatiṣṭhate // (7.1) Par.?

tān vṛṇīte caturaḥ sarvān vaikaikaśaḥ // (8.1) Par.?

adhvaryuṃ pratiprasthātāraṃ neṣṭāram unnetāram ity adhvaryūn / (9.1) Par.?

brahmāṇaṃ brāhmaṇācchaṃsinam āgnīdhraṃ potāram iti brahmaṇaḥ / (9.2) Par.?

hotāraṃ maitrāvaruṇam acchāvākaṃ grāvastutam iti hotṝn / (9.3) Par.?

udgātāraṃ prastotāraṃ pratihartāraṃ subrahmaṇyam ity udgātṝn // (9.4) Par.?

sadasyaṃ saptadaśaṃ kauṣītakinaḥ samāmananti // (10.1) Par.?

sa karmaṇām upadraṣṭā bhavati // (11.1) Par.?

yadi catura ādyān // (12.1) Par.?

atha varaṇāḥ // (13.1) Par.?

agnir me hotādityo me 'dhvaryuś candramā me brahmā parjanyo ma udgātākāśo me sadasya āpo me hotrāśaṃsino raśmayo me camasādhvaryava ity upāṃśu devatādeśanam / (14.1) Par.?

asau mānuṣa ity uccaiḥ // (14.2) Par.?

Duration=0.058799982070923 secs.