Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma, jyotiṣṭoma

Show parallels Show headlines
Use dependency labeler

Chapter id: 17034

Click on a sentence to show its analysis
Keep the mouse pointer over a lemma to show its meanings.

athainam ekaviṃśatyā darbhapuñjīlaiḥ saptabhiḥ saptabhis triḥ pavayati citpatis tvā punātu / (1.1) Par.?

vākpatis tvā punātu / (1.2) Par.?

devas tvā savitā punātv ity etair mantraiḥ // (1.3) Par.?

acchidreṇa pavitreṇety etaṃ mantraṃ sarvatrānuṣajati // (2) Par.?

dvir ūrdhvaṃ nābher unmārṣṭi sakṛd avāṅ // (3) Par.?

pavamānaḥ suvarjana ity etam anuvākaṃ pāvyamāno japati // (4) Par.?

yad devā devaheḍanam iti ca / (5.1) Par.?

tasya te pavitrapate pavitreṇa yasmai kaṃ pune tac chakeyam iti caitaṃ mantram // (5.2) Par.?

ā vo devāsa īmaha iti pūrvayā dvārā prāgvaṃśaṃ praviśyāpareṇāhavanīyam atikramya dakṣiṇatas tiṣṭhann āhavanīyam abhimantrayata indrāgnī dyāvāpṛthivīty anuvākaśeṣeṇa // (6) Par.?

tasyaiṣa eva saṃcaro bhavaty ā sutyāyāḥ // (7) Par.?

atraike dīkṣaṇīyām iṣṭiṃ samāmananti // (8) Par.?

yad dīkṣaṇīyāyāṃ dhrauvam ājyaṃ tataḥ sruveṇa catasro dīkṣāhutīr juhoty ākūtyai prayuje 'gnaye svāhety etair mantraiḥ // (9) Par.?

srucā pañcamīm āpo devīr bṛhatīr viśvaśaṃbhuva iti // (10) Par.?

caturgṛhītena srucaṃ pūrayitvā dvādaśagṛhītena vā pūrṇāhutiṃ juhoti viśve devasya netur ity etayā // (11) Par.?

bilāvakāśaṃ kṛtvā juhotīty ekeṣām // (12) Par.?

kṛṣṇājinasya dakṣiṇaṃ pūrvapādaṃ pariṣīvyati // (13) Par.?

dve vā samīcī māṃsasaṃhite kṛtvā // (14) Par.?

antarvedi kṛṣṇājinaṃ prācīnagrīvam uttaralomāstīrya śuklāṃ ca kṛṣṇāṃ ca rājiṃ yajamānaḥ saṃmṛśaty ṛksāmayoḥ śilpe stha iti // (15) Par.?

bhasatto jānvakna ārohatīmāṃ dhiyaṃ śikṣamāṇasya / (16.1) Par.?

sutrāmāṇam iti dvābhyām // (16.2) Par.?

Duration=0.070217132568359 secs.