Texts

yajño vai devebhyo 'pākrāmat kṛṣṇo bhūtvā // (1) Par.?

tasmāt punar upāvartamānād ṛksāme apākrāmatām // (2) Par.?

te kṛṣṇaṃ prāviśatāṃ yajñaṃ manyamāne // (3) Par.?

śuklaṃ sāma // (4) Par.?

kṛṣṇam ṛk // (5) Par.?

yat kṛṣṇājinena dīkṣata ṛksāme evālabhate // (6) Par.?

ahorātre vai mithunaṃ samabhavatām // (7) Par.?

tayor ojo vīryam apākrāmat // (8) Par.?

tat kṛṣṇaṃ prāviśat // (9) Par.?

yat kṛṣṇājinena dīkṣate 'horātrayor evaujo vīryam ālabhate // (10) Par.?

dyāvāpṛthivī vai mithunaṃ samabhavatām // (11) Par.?

tayos tejo yajñiyam apākrāmat // (12) Par.?

tat kṛṣṇaṃ prāviśat // (13) Par.?

yat kṛṣṇājinena dīkṣate dyāvāpṛthivyor eva tejo yajñiyam ālabhate // (14) Par.?

ṛksāmayoś śilpe stha ity ṛksāme evālabhate // (15) Par.?

yathā nāvau tariṣyaṃs te enaṃ saṃpārayataḥ // (16) Par.?

odṛcaś śarmāsi // (17) Par.?

śarma me yaccheti // (18) Par.?

devatāś ca vā eṣa yajñaṃ cābhyārohati // (19) Par.?

yat kṛṣṇājinam ārohati yadā vai śreyān kāmayate 'tha pāpīyāṃsaṃ pratinudate // (20) Par.?

devatābhyaś caiva yajñāya ca namaskaroty apratinodāya // (21) Par.?

āśumavanti vā anyāni chandāṃsy āsann anāśumavanty anyāni // (22) Par.?

tāny ājim ayuḥ // (23) Par.?

yāny āśumavanty āsaṃs tāni pradhakṣyāmaha iti bhīṣā kṛṣṇaṃ prāviśan // (24) Par.?

tānīmāni yajñaṃ vahanti // (25) Par.?

yāny anāśumavanty āsaṃs tān imān vakṣyāmaha iti bhīṣā kṛṣṇaṃ prāviśan // (26) Par.?

tānīmāni chandāṃsi // (27) Par.?

yāny ayajñavāhāni tāni svārājyam agacchan // (28) Par.?

svārājyaṃ gacchati ya evaṃ veda // (29) Par.?

yat kṛṣṇājinena dīkṣata āśumavanti caivānāśumavanti cobhayāni chandāṃsy avarunddhe // (30) Par.?

hotrā vai devebhyo 'pākrāman // (31) Par.?

tad vaṣaṭkāro 'pyacarat kṛṣṇo bhūtvā // (32) Par.?

askannaṃ vai vaṣaṭkārāddhaviḥ // (33) Par.?

tasmāt kṛṣṇājine haviṣ piṃṣanti // (34) Par.?

havir vai dīkṣitaḥ // (35) Par.?

tasmāt kṛṣṇājinam adhyāste // (36) Par.?

tasmān na niṣṭhīvati haviṣo 'skandāya // (37) Par.?

bahiṣṭād vai paśūnāṃ yajñaś ca devatāś cāntarān medaḥ // (38) Par.?

yad bahirlomaṃ kṛṣṇājinaṃ kuryād antarhito yajamāno yajñāc ca devatābhyaś ca syāt // (39) Par.?

yad antarlomam antarhito yajño devatābhyaḥ // (40) Par.?

dve samasyed antarmāṃse bahirlomnī // (41) Par.?

yady ekaṃ syāt pādaṃ pratiṣīvyet // (42) Par.?

anantarhito yajamāno yajñāc ca devatābhyaś ca bhavati // (43) Par.?

anantarhito yajño devatābhyaḥ // (44) Par.?

viṣṇoś śarmāsi śarma yajamānasyeti // (45) Par.?

viṣṇur vai yajñaḥ // (46) Par.?

vaiṣṇavo yajamānaḥ // (47) Par.?

viṣṇunaiva yajñenātmānam ubhayatas sayujaṃ kurute // (48) Par.?

yajño yad asṛjyata tasyolbam anvaveṣṭata // (49) Par.?

tad dīkṣitavasanam abhavat // (50) Par.?

garbho dīkṣitaḥ // (51) Par.?

yad dīkṣitavasanaṃ paridhatte svenaiva yoninātmānam orṇute // (52) Par.?

tasmān mahat kāryam // (53) Par.?

evam iva hy ulbena garbha āvṛta iva channa iva // (54) Par.?

na pratyakṣaṃ vaded vāco 'yātayāmatvāya // (55) Par.?