Texts

ūrje tveti manasaḥ pratipriyam annam aśnāti sarpirmiśraṃ dadhyupasekam // (1) Par.?

ata ūrdhvaṃ kanīyaḥ kanīyo vratayati // (2) Par.?

āśitasya keśān vapatīty eke // (3) Par.?

gavyaṃ navanītam udapātre sadarbhe nidadhāti // (4) Par.?

athainan mahīnāṃ payo 'sīti pāṇibhyāṃ pramlāya varcodhā asi varco mayi dhehīti mukham ārabhyānulomam ā pādābhyāṃ triḥ parācīnam aṅgāni sarvāṇy abhyaṅkte // (5) Par.?

pṛṣṭham anyo 'syābhyanakti // (6) Par.?

vṛtrasya kanīnikāsīti traikakudenāñjanapiṣṭenānyena vāñjīta satūlayā śareṣīkayā darbhapuñjīlena vānidhāvamānas triḥ pūrvadakṣiṇam akṣi dviḥ savyam // (7) Par.?

api vā dve pañcakṛtvaḥ // (8) Par.?

bahiḥ śālāyā uttareṇa prāgvaṃśam ekaviṃśatidarbhakūrcais tridhā vibhaktaiś citpatis tvā punātv ity etaiḥ pratimantraṃ dvir upariṇābhy unmṛjya pradakṣiṇaṃ sakṛd avāṅ mārṣṭi // (9) Par.?

acchidreṇa pavitreṇeti sarvatrānuṣajati // (10) Par.?

rājasūya ekaśatena kūrcaiḥ // (11) Par.?

citpatir mā punātu pavamānaḥ suvarjana ity etam anuvākam unmṛjyamāno yajamāno japati yad devā devaheḍanam iti tasya te pavitrapate pavitreṇeti ca // (12) Par.?

athaitāni karmāṇi pratiprasthātāparasmin pariśrite tūṣṇīṃ patnyāḥ karoti // (13) Par.?

undanādivapanāntaṃ na karotīty eke // (14) Par.?

ā vo devāsa īmaha iti yajamānaḥ pūrveṇa dvāreṇa śālāṃ praviśya vidyud asīty apa upaspṛśyendrāgnī dyāvāpṛthivī ity apareṇāhavanīyam atikramya dakṣiṇatas tiṣṭhaṃs tvaṃ dīkṣāṇām adhipatir asīty āhavanīyam upatiṣṭhate // (15) Par.?

tasyaiṣa saṃcaro yāvatsutyam // (16) Par.?