Texts

eṣa eva saumika āhavanīyaḥ // (1) Par.?

agnimatyām uttaravedyām uttaraṃ parigrāhaṃ parigṛhyāprokṣitāyāṃ na vicaranty ā staraṇāt // (2) Par.?

pratiprasthātā payasyāyai maitrāvaruṇyai sāyaṃdohāya vatsān apākaroti gharmadughaś ca vatsaṃ dadhigharmāya // (3) Par.?

sautyaṃ kāṣṭhaṃ vedyarthaṃ barhiś ca saṃbhriyate // (4) Par.?

kāṣṭhaṃ vediṃ barhiś ca tris triḥ prokṣyā ghā ye agnim indhata iti bahulaṃ vediṃ prācīnaṃ barhiḥ stṛṇāti // (5) Par.?

pūrvaṃ prayukte prakṣālite anasī yugmakṛte śālām agreṇābhitaḥ pṛṣṭhyāṃ pariśrite sacchadiṣī prācī sthāpayato dakṣiṇam adhvaryur uttaraṃ pratiprasthātā // (6) Par.?

evaṃ kurutaḥ karmāṇy uttaratra // (7) Par.?

tayor dakṣiṇaṃ varṣīya uddhṛtaphalakaṃ tathottaram // (8) Par.?

tayor akṣabandhān prasaktān visrasya punas tān surakṣitān badhnāti // (9) Par.?

vaiṣṇavī viṣṇave śundhethām iti havirdhāne prokṣati // (10) Par.?

śālāmukhīya ājyaṃ vilāpyotpūya sruci caturgṛhītaṃ gṛhītvā yuñjate mana iti sāvitreṇauttaravedike juhoti // (11) Par.?

devaśrutāv iti patnī padatṛtīyasyaikadeśam ādāya sājyena tena dakṣiṇasya havirdhānasya dakṣiṇām akṣadhuraṃ dakṣiṇena hastenottānena triḥ pradakṣiṇam upānakti // (12) Par.?

evam uttarasya // (13) Par.?

padanāśa ājyenopānakti // (14) Par.?

adhvaryur havirdhānābhyāṃ pravartyamānābhyām anubrūhīti saṃpreṣyati // (15) Par.?

yuje vāṃ brahma pūrvyam ity etāṃ trir uktām abhijñāya prācī pretam iti havirdhāne prācī pravartayeyuḥ // (16) Par.?

yady akṣaghoṣaḥ suvāg iti japati // (17) Par.?

yadā havirdhāne vedim avakrāmatas tadā dakṣiṇasya havirdhānasyottarasyāṃ vartanyām antarvedi hiraṇyaṃ nidhāya paristīryedaṃ viṣṇur vicakrama iti juhoti // (18) Par.?

evam uttarasya pratiprasthāterāvatī dhenumatī iti // (19) Par.?

apa janyaṃ bhayaṃ nudeti vedeḥ paścārdhe vitṛtīyadeśe manasāpa janyaṃ bhayaṃ nudeti brahmā hotādhvaryur vā pādena pāṃsūn loṣṭaṃ vā bahirvedi nirasyati // (20) Par.?