Texts

athāto dakṣiṇaḥ pakṣaḥ // (1) Par.?

so 'yaṃ lokaḥ so 'yam agniḥ sā vāk tad rathantaraṃ sa vasiṣṭhas tacchataṃ tāni ṣaḍ vīryāṇi bhavanti // (2) Par.?

saṃpāta eva kāmānām abhyāptyai pratiṣṭhityā annādyāya paṅktiḥ // (3) Par.?

atha sūdadohāḥ // (4) Par.?

prāṇo vai sūdadohāḥ prāṇena parvāṇi saṃdadhāti // (5) Par.?

athāta uttaraḥ pakṣaḥ // (6) Par.?

so 'sau lokaḥ so 'sāv ādityas tan manas tad bṛhat sa bharadvājas tacchataṃ tāni ṣaḍ vīryāṇi bhavanti // (7) Par.?

saṃpāta eva kāmānām abhyāptyai pratiṣṭhityā annādyāya paṅktiḥ // (8) Par.?

tā ūnātiriktau bhavato vṛṣā vai bṛhad yoṣā rathantaram atiriktaṃ vai puṃso nyūnaṃ striyai tasmād ūnātiriktau bhavataḥ // (9) Par.?

atho ekena ha vai pattreṇa suparṇasyottaraḥ pakṣo jyāyāṃs tasmād ekayarcottaraḥ pakṣo bhūyān bhavati // (10) Par.?

atha sūdadohāḥ // (11) Par.?

prāṇo vai sūdadohāḥ prāṇena parvāṇi saṃdadhāti // (12) Par.?

athātaḥ puccham // (13) Par.?

tā ekaviṃśatir dvipadā bhavanty ekaviṃśatir hīmāni pratyañci suparṇasya pattrāṇi bhavanti // (14) Par.?

atho ekaviṃśo vai stomānāṃ pratiṣṭhā pratiṣṭhā pucchaṃ vayasām // (15) Par.?

dvāviṃśīṃ śaṃsati pratiṣṭhayor eva tad rūpaṃ kriyate tasmāt sarvāṇi vayāṃsi pucchena pratitiṣṭhanti pucchenaiva pratiṣṭhāyotpatanti pratiṣṭhā hi puccham // (16) Par.?

sa eṣa dvābhyāṃ daśinībhyāṃ virāḍbhyām anayor dvāviṃśyor dvipadayor ayaṃ puruṣaḥ pratiṣṭhitaḥ // (17) Par.?

tasya yat suparṇarūpaṃ tad asya kāmānām abhyāptyai // (18) Par.?

atha yat puruṣarūpaṃ tad asya śriyai yaśase 'nnādyāyāpacityai // (19) Par.?

atha sūdadohāḥ // (20) Par.?

atha dhāyyā // (21) Par.?

atha sūdadohāḥ // (22) Par.?

vṛṣā vai sūdadohā yoṣā dhāyyā tad ubhayataḥ sūdadohasā dhāyyāṃ pariśaṃsati tasmād dvayo retaḥ siktam sad ekatām evāpyeti yoṣām evābhy ata ājānā hi yoṣātaḥ prajānā tasmād enām atra śaṃsati // (23) Par.?