Texts

caturavarārdhyā upagāḥ syuḥ // (1) Par.?

tathā hi bhāllavibrāhmaṇaṃ bhavati / (2.1) Par.?

yo 'nupagītaṃ sāmādatte muṣyate rūkṣo bhāvuko bhavatyupagātṛbhyaḥ prasvaret prāṇo vai svaraḥ prāṇenaiva sāma saṃtanotīti valgutamaṃ sāmopagītaṃ bhavati tasmādapyupageyam // (2.2) Par.?

catvāra upagāḥ syuścatasro diśo digbhir upagāyantīti ca brāhmaṇam // (3) Par.?

ṣaḍvā ṣaḍṛtava upagātāra iti ca brāhmaṇam // (4) Par.?

yāvanto vā saṃsvareran // (5) Par.?

te ho ityetenākṣareṇopagāyeyuromiti yajamānaḥ // (6) Par.?

praṣṭyantarayor upaviśya bhaktyantarāṇi chādayanto mandra upagā bhavanti // (7) Par.?

tryantara udgīthaḥ prātaḥsavanādanyatra // (8) Par.?

mandrastveva prātaḥsavane // (9) Par.?

nidhanāya nidhanāyoparameyuḥ // (10) Par.?

tatrāpyeka ekākṣareṣu noparamanti // (11) Par.?

te svāṃ svāṃ bhaktim anucchvasanto brūyuḥ // (12) Par.?

pade vocchvaseyuḥ stobhe vā // (13) Par.?

nāntareṇa pade na stobhau // (14) Par.?

yatra vopapadyeta na tāntaḥ kuryāditi // (15) Par.?

prastaraṃ pratigṛhya prastotā brahman stoṣyāmaḥ praśāstar ity udgātre prayacchet // (16) Par.?

tena dakṣiṇāṃ jaṅghāmupahatya yuñjyātstomamagnestejaseti // (17) Par.?

annaṃ kariṣyāmīti japet // (18) Par.?

tūṣṇīṃ cātvālamudapātraṃ cāvekṣeran // (19) Par.?

sāmāsi prati mā bhāhītyādityam // (20) Par.?

tūṣṇīṃ vā // (21) Par.?

sakṛddhiṃkṛtya bahiṣpavamānena stuvīran // (22) Par.?

ahiṃkṛtā prathamā retasyā hiṃkṛtāḥ parāḥ // (23) Par.?

rathantaravarṇottamā avisṛṣṭahiṃkārā // (24) Par.?

tasyā ūrdhvaṃ prastāvāc catvāry akṣarāṇy abhiṣṭobhet // (25) Par.?

annamakaramiti stutvā japet // (26) Par.?

śyeno 'sīti prastare yajamānaṃ vācayet // (27) Par.?

taṃ sarvatra stutvopahvayeran // (28) Par.?

saṃ varcasetīkṣakān sahakāriṇaś ca prekṣamāṇo japet // (29) Par.?

namo gandharvāyetyādityam // (30) Par.?

deśenaivāntarhitaścet // (31) Par.?

etatsarvaṃ kuryāduttarayoḥ pavamānayoḥ // (32) Par.?

pravarāstu nivartante // (33) Par.?

cātvālāvekṣaṇaprabhṛti ca prāgghiṅkārāt // (34) Par.?

praveśanasaṃmārjane cāntareṇa tṛtīyasavane // (35) Par.?

kumbhaṃ tu tatra saṃmṛjyāt // (36) Par.?

uttare havirdhāne yaḥ pūrvo droṇakalaśāvṛtā // (37) Par.?

taṃ pūtabhṛd ity ācakṣate taṃ pūtabhṛd ity ācakṣate // (38) Par.?