Texts

prastotā tu kuśāḥ kārayed yajñīyasya vṛkṣasya // (1) Par.?

khadirasya dīrghasattreṣv eke // (2) Par.?

prādeśamātrīḥ kuśapṛṣṭhās tvaktaḥ samā majjato 'ṅguṣṭhaparvapṛthumātrīḥ prajñātāgrāḥ // (3) Par.?

kārayitvā gandhavatībhir oṣadhībhir anulipya sarpiṣā sattreṣv eke kuśāvidhānena vasanena pariveṣṭya kṣaumaśāṇakakārpāsānāṃ kenacid upary audumbaryā vāsayet // (4) Par.?

tāṃ śvobhūte kuśair ūrdhvāgraiḥ pariveṣṭyaivaṃjātīyenaiva vasanena pradakṣiṇam ūrdhvadeśena pariveṣṭya spṛṣṭo 'napaśrita udgāyed iti gautamaḥ // (5) Par.?

dhiṣṇyo 'yaṃ bhavati na dhiṣṇyam āsādayet // (6) Par.?

dhṛṣṭam apaśrayateti dhānaṃjayyaḥ // (7) Par.?

sa eva tad ūrji śritaḥ prajābhya ūrjaṃ vibhajatīti hyāha // (8) Par.?

stoṣyamāṇānāṃ madhye vaiṣṭutaṃ vasanaṃ prāksamāsaṃ vodaksamāsaṃ voparidaśam āstīrya tatra prastotā kuśā vidadhyāt prastāvānteṣu // (9) Par.?

ādye 'nekaprastāvāsu // (10) Par.?

aprastāvāsv ādau // (11) Par.?

udagagraṃ prathamaṃ viṣṭāvaṃ prāksaṃsthaṃ pratyag vā // (12) Par.?

taṃ paścimena madhyadeśenodaksaṃsthaṃ prāgagraṃ pratyag vā // (13) Par.?

taṃ paścimenodagagraṃ pratyaksaṃstham // (14) Par.?

evaṃvidhāḥ paryāyā uttarottarāḥ // (15) Par.?

mithaḥ paryāyaviṣṭāvān saṃdadhyāt // (16) Par.?

paryāyādiṣu hiṃkāraṃ stuvīran // (17) Par.?

uttamāṃ prastutyaiṣeti śaṃsiṣyantaṃ brūyāt // (18) Par.?

stutasya stutam asīti yajamānavācanam // (19) Par.?

savanasaṃsthāsu praśāstroktā yathetam aparayā dvārā niṣkramya paścimenāgnīdhrīyaṃ mūtraṃ kuryuḥ // (20) Par.?

vācaṃ yaccheyur yāvad udakyāḥ syuḥ // (21) Par.?

etan mṛgatīrtham // (22) Par.?

tena bhūyaḥ śamyāparāsād gaccheyuḥ // (23) Par.?

yo bhūyo jigamiṣed āpnānena sa gacchet // (24) Par.?