Texts

ṣoḍaśisāmnā stoṣyamāṇo yathāsanam upaviśya havirdhānaṃ gatvā ṣoḍaśigraham avekṣetodgātā yasmād anya iti // (1) Par.?

evameva prātaḥsavane // (2) Par.?

yadi cottarayorapi gṛhṇīyuḥ // (3) Par.?

aśvaḥ kṛṣṇaḥ pūrvasyāṃ sadaso dvāri pratyaṅmukhas tiṣṭhediti śāṇḍilyaḥ // (4) Par.?

aparasyāṃ prāṅmukha iti dhānañjayyaḥ // (5) Par.?

kṛṣṇābhāve śyāvaḥ // (6) Par.?

tadabhāve yaḥ kaścāśvaḥ // (7) Par.?

gaur vājo 'śvābhāve // (8) Par.?

yo yaḥ sāmāṅgaṃ brūyāt sa hiraṇyaṃ dhārayet // (9) Par.?

udgātā nidhanam upayatsu // (10) Par.?

sarve vābhimṛśeyuḥ // (11) Par.?

avasarpati prathamaṃ paryāyaṃ gāyecchannam // (12) Par.?

viṣite dvitīyaṃ madhyamena // (13) Par.?

astamite tṛtīyamāviḥ // (14) Par.?

yadopākuryuḥ stuvīrannevāhani channaṃ rātrāvāviḥ // (15) Par.?

udgātre dadyādaśvahiraṇye dakṣiṇāvatsu // (16) Par.?

satra eva grahasya bhakṣayeyur aindraṃ saha iti // (17) Par.?

udasya harivad aharikāsu cet stuvīran // (18) Par.?

anuṣṭupchandasā camasasya // (19) Par.?

pūrveṇa vā // (20) Par.?

tathā kurvannindraśca samrāḍvaruṇaśca rājā tau te bhakṣaṃ cakratur agra etaṃ tayor aham anubhakṣaṃ bhakṣayāmi vāg juṣāṇā somasya tṛpyatviti grahasya // (21) Par.?

indramiddharī iti śāṇḍilyo vāgdevī somasya pibatv ity etad adhikayā // (22) Par.?

aindraṃ saha iti camasasyāsatre // (23) Par.?

triṣṭupchandasā vājapeyasāmni bhakṣayediti gautamaḥ // (24) Par.?

anuṣṭupchandaseti dhānaṃjayyaśāṇḍilyau // (25) Par.?

anuṣṭupchandasā rātrau // (26) Par.?

pṛthaktṛcebhyaḥ sandhau hiṃkuryuḥ // (27) Par.?

iṣṭayajuṣa iti bhakṣaḥ // (28) Par.?

gāyatracchandasātiriktastotreṣviti gautamaḥ // (29) Par.?

pṛthagbhakṣachandobhir anupūrvam iti dhānaṃjayyaśāṇḍilyau // (30) Par.?

anuṣṭupchandasā vā // (31) Par.?

acchandasā vā // (32) Par.?

saṃdhivad vā // (33) Par.?