Texts

Help

Select a text:
Bibliography

Select a chapter:
(no revisions)

Associated topic(s): King, rājanīti, for a king, mahāvrata

Show parallels Show headlines
Use dependency labeler

Chapter id: 15118

Click on a sentence to show its analysis
Keep the mouse pointer over a lemma to show its meanings.

atha rājānaṃ saṃnāhayet // (1) Par.?

tasya dvyavarārdhyau rathāvanuyāyinau syātām // (2) Par.?

pūrveṇa devayajanaṃ saṃnahyerannanye tasmāt // (3) Par.?

dakṣiṇena pariyāyuḥ // (4) Par.?

pūrveṇa patnīśālām udgātā gatvā dakṣiṇe vedyante prāco darbhān saṃstīrya teṣvenaṃ prāṅmukham upaveśayet // (5) Par.?

athāsmai varmābhiharet // (6) Par.?

anyaṃ vābhiharantam anumantrayetottiṣṭha rājan parivarmāsyaśvayukto ratho vitato daiva ākhaṇo viśāṃ rājā brāhmaṇa edhi gopteti // (7) Par.?

paścimena pariyāhītyuktvā tenaiva pratyāvrajyottara enaṃ vedyante 'vasthāpya brūyāddhastatraṃ badhnīṣvojjyamāyudhaṃ kuruṣva trīn iṣūn upakalpayasvāyasmayān anyameva kaṃca caturthamiti // (8) Par.?

pratidhatsveti brūyāt // (9) Par.?

taṃ pratidadhānamanumantrayeta vaiṇāvatāya pratidhatsva śaṅkuṃ māpaproṣṭa mo te 'tipaptad brahmaṇo guptyai vidhṛtyai dhārayātreti // (10) Par.?

saṃbhṛtyātiṣṭheti brūyāt // (11) Par.?

uttareṇāgnīdhrīyaṃ pūrvāpare carmaṇī vibadhnīyur dakṣiṇena rathapathaṃ śiṣṭvā // (12) Par.?

taṃ brūyāt pradakṣiṇaṃ devayajanaṃ parīyāḥ pūrvaṃ carmāgamaneṣu vidhyer ekaikenottarottary anatipātayann aparasmā itare yathābhipretam asyeyus tṛtīyena viddhvodaṅ prayāyās tadā caturtham iṣuṃ yāṃ diśaṃ manyethās tām asyer ava brahmadviṣo jahīti gā dṛṣṭvāvatiṣṭhethās tatra tvā visrambhayeyuḥ // (13) Par.?

brāhmaṇam uktvemaṃ hiṅkāravelāyāṃ kārayeyuḥ // (14) Par.?

Duration=0.041609048843384 secs.