Texts

mārkaṇḍeya uvāca / (1.1) Par.?

tatas taṃ cakravākau dvāv ūcatuḥ sahacāriṇau / (1.2) Par.?

āvāṃ te sacivau syāva tava priyahitaiṣiṇau // (1.3) Par.?

tathety uktvā ca tasyāsīt tadā yogātmano matiḥ / (2.1) Par.?

evaṃ te samayaṃ cakruḥ suvāktaṃ pratyabhāṣata // (2.2) Par.?

yasmāt kāmapradhānas tvaṃ yogadharmam apāsya vai / (3.1) Par.?

avaraṃ varaṃ prārthayase tasmād vākyaṃ nibodha me // (3.2) Par.?

rājā tvaṃ bhavitā tāta kāmpilye nagarottame / (4.1) Par.?

bhaviṣyataḥ sakhāyau ca dvāv imau sacivau tava // (4.2) Par.?

śaptvā tān abhibhāṣyātha catvāraś cakrur aṇḍajāḥ / (5.1) Par.?

tāṃs trīn abhīpsato rājyaṃ vyabhicārapradharṣitān // (5.2) Par.?

śaptāḥ khagās trayas te tu yogabhraṣṭā vicetasaḥ / (6.1) Par.?

tān ayācanta caturas trayas te sahacāriṇaḥ // (6.2) Par.?

teṣāṃ prasādaṃ cakrus te athaitān sumanābravīt / (7.1) Par.?

sarveṣām eva vacanāt prasādānugataṃ tadā // (7.2) Par.?

antavān bhavitā śāpo yuṣmākaṃ nātra saṃśayaḥ / (8.1) Par.?

itaś cyutāś ca mānuṣyaṃ prāpya yogam avāpsyatha // (8.2) Par.?

sarvasattvarutajñaś ca svatantro 'yaṃ bhaviṣyati / (9.1) Par.?

pitṛprasādo hy asmābhir asya prāptaḥ kṛtena vai // (9.2) Par.?

gāṃ prokṣayitvā dharmeṇa pitṛbhya upakalpatām / (10.1) Par.?

asmākaṃ jñānasaṃyogaḥ sarveṣāṃ yogasādhanaḥ // (10.2) Par.?

idaṃ ca vākyasaṃdarbhaślokam ekam udāhṛtam / (11.1) Par.?

puruṣāntaritaṃ śrutvā tato yogam avāpsyatha // (11.2) Par.?