Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 16601
  • Click on a sentence to show its analysis
  • Keep the mouse pointer over a lemma to show its meanings.
sa tṛtīyasavane savanamukhīyeṣv āhṛteṣūpahavam icchate // (1.1) Par.?
prāṇo me hotā sa mopahvayatāṃ hotar upa mā hvayasvety uccaiḥ / (2.1) Par.?
apāno me 'dhvaryuḥ sa mopahvayatām adhvarya upa mā hvayasvety uccaiḥ / (2.2) Par.?
vyāno me brahmā sa mopahvayatāṃ brahmann upa mā hvayasvety uccaiḥ / (2.3) Par.?
samāno ma udgātā sa mopahvayatām udgātar upa mā hvayasvety uccaiḥ // (2.4) Par.?
yo 'yam antaḥpuruṣa ākāśaḥ sa me sadasyaḥ sa mopahvayatāṃ sadasyopa mā hvayasvety uccaiḥ / (3.1) Par.?
yā imā antaḥpuruṣa āpas te me hotrāśaṃsinas te mopahvayantāṃ hotrāśaṃsina upa mā hvayadhvam ity uccaiḥ / (3.2) Par.?
lomāni me camasādhvaryavas te mopahvayantāṃ camasādhvaryava upa mā hvayadhvam ity uccaiḥ // (3.3) Par.?
tā vā etā devatā ṛtvijām eva vāgbhir upahvayante // (4.1) Par.?
sa upahūto bhakṣayati // (5.1) Par.?
sa udāno yajamāno 'tho yatraitāsāṃ devatānāṃ lokas tad upahūto bhavati // (6.1) Par.?
sarveṣāṃ vai vaṣaṭkartā camasaṃ bhakṣayet // (7.1) Par.?
devānāṃ vā etad yajñasya mukhaṃ yad udgātṛcamasam tasmād udgātṛcamasaṃ nānyo bhakṣayet // (8.1) Par.?
evaṃ viduṣo ha vai yajño na vyathate / (9.1) Par.?
evaṃ viduṣo ha vai yajamānasya svargyaṃ putryaṃ paśavyam iṣṭaṃ bhavati / (9.2) Par.?
evaṃ vidvān ha vai yajamāno dviṣantaṃ bhrātṛvyam abhibhavati / (9.3) Par.?
atha vā ato yajñe hīnaṃ kuryāt // (9.4) Par.?
Duration=0.051126003265381 secs.