Texts

upamadhyamāyāṃ hiraṇyam ābadhyāsmāko 'sīti pariśritaṃ praviśanti // (1.1) Par.?

śukras te graha iti sahiraṇyena pāṇinābhimṛśati // (2.1) Par.?

prāgdaśe kṣaume rājānaṃ mimīta ṛjvībhir aṅgulībhir aṅguṣṭhena copasaṃyamya kaniṣṭhikāprabhṛtibhir ekaikayā kaniṣṭhikāto 'bhi tyaṃ devaṃ savitāram iti pañcakṛtvas tūṣṇīṃ pañcakṛtvo yayā prathamaṃ na tayā pañcamaṃ tayaivottamam // (3.1) Par.?

prajābhyas tveti bhūyāṃsam abhyūhati // (4.1) Par.?

prajās tvānuprāṇantv iti kṣauma uṣṇīṣeṇopanahyati lāṅgalabandham // (5.1) Par.?

eṣa te gāyatro bhāga iti me somāya brūtād eṣa te traiṣṭubho bhāga iti me somāya brūtād eṣa te jāgato bhāga iti me somāya brūtād eṣa ta ānuṣṭubho bhāga iti me somāya brūtād eṣa te pāṅkto bhāga iti me somāya brūtācchandomānāṃ sāmrājyaṃ gacched iti me somāya brūtād iti yajamāno rājānam upatiṣṭhate // (6.1) Par.?

udakumbhe somavikrayī rājānam ādadhāti // (7.1) Par.?

somavikrayin somaṃ te krīṇānīty āmantrayate / (8.1) Par.?

krīṇīhīti pratyāha // (8.2) Par.?

kalayā te krīṇānīti yathāmnātam ekaikena paṇate / (9.1) Par.?

bhūyo vā ataḥ somo rājārhatīti pratyāha // (9.2) Par.?

iyaṃ gaus tayā te krīṇānīti tasyā rūpaṃ tasyā varṇaṃ tasyā ātmā tasyāḥ prajās tasyāḥ paya iti / (10.1) Par.?

krīta iti pratyāha // (10.2) Par.?

yathāmnātaṃ somakrayaṇān apākaroti / (11.1) Par.?

śukraṃ te śukra śukreṇeti hiraṇyaṃ tapasas tanūr asīty ajāṃ pratyāchidya somakrayaṇāt suvāṅ nabhrāḍ ity anudiśati // (11.2) Par.?

somavikrayiṇe kiṃcid dadyāt // (12.1) Par.?

kṛṣṇaśuklayor ūrṇāstukayor asme jyotir iti śuklāṃ yajamānāya prayacchati / (13.1) Par.?

tāṃ pavitrasya nābhiṃ kuryāt // (13.2) Par.?

idam ahaṃ sarpāṇāṃ dandaśūkānāṃ grīvā upagrathnāmīti kṛṣṇāyā granthiṃ kṛtvā somavikrayiṇi tama iti tam abhinyasyet // (14.1) Par.?

svajā asīti rājānam ādatte // (15.1) Par.?

āhriyamāṇe yajamāno 'pāvṛtyopaviśati // (16.1) Par.?

mitro na ehīti japati // (17.1) Par.?

vastrāntam utkṛṣyendrasyorum āviśeti dakṣiṇasminn ūrāv āsādayati // (18.1) Par.?

ud āyuṣety ādāyottiṣṭhati // (19.1) Par.?

urv antarikṣaṃ vīhīty ano 'bhipravrajya pūrvārdhe nīḍe 'dityās tvag asīti kṛṣṇājinam āstṛṇāti // (20.1) Par.?

adityāḥ sada āsīdeti tasmin rājānam āsādayati // (21.1) Par.?

astabhnād dyām ity ana upatiṣṭhate // (22.1) Par.?

vaneṣu vy antarikṣam ity ano vāsasā paryāṇahyati // (23.1) Par.?

dhūr asīti dhuram abhimṛśaty uttarāṃ ca // (24.1) Par.?

udaṅṅ atikramya vāruṇam asīty uttarām īṣām ārabhya japati // (25.1) Par.?

varuṇas tvottabhnātv ity upastabhnoti // (26.1) Par.?

usrāv etaṃ dhūrvāhau yujyethām anaśrū avīrahaṇau brahmacodanau yajñasyāyuḥ pratirantau svasti yajamānasya gṛhān gacchatam iti dhuryāv upājate // (27.1) Par.?

varuṇasya skambho 'sīti yunakty evam uttaram // (28.1) Par.?

dakṣiṇaṃ chadirantam ārabhya somāya krītāya prohyamāṇāyānubrūhīty anuvācayati // (29.1) Par.?

triranūktāyāṃ subrahmaṇya subrahmaṇyām āhvayeti preṣyati // (30.1) Par.?

pracyavasva bhuvanaspata iti prāṅ abhiprayāya pradakṣiṇam āvartayati // (31.1) Par.?

pūrvaḥ paretya mahad āhavanīye 'bhyādadhāti // (32.1) Par.?

agreṇa prāgvaṃśaṃ karṇagṛhītam ajam agnīṣomīyaṃ kālālaṃ pīvānam avasthāpayati // (33.1) Par.?

āsandīm udgṛhṇāty ukhadaghnapādām aratnimātrāṃ muñjair vyutām audumbarīm // (34.1) Par.?

namo mitrasyety ohyamāne yajamāno japati // (35.1) Par.?

agreṇa prāgvaṃśaṃ vāruṇam asīty udaṅmukham ano 'vasthāpayati // (36.1) Par.?

varuṇas tvottabhnātv ity upastabhnoti // (37.1) Par.?

varuṇasya skambhasarjanam asīti dakṣiṇāṃ śamyām utkarṣati // (38.1) Par.?

vicṛtto varuṇasya pāśa iti yoktrapāśaṃ viṣyati // (39.1) Par.?

pratyasto varuṇasya pāśa iti pratyasyati // (40.1) Par.?

namo varuṇasya pāśāyeti namas karoti // (41.1) Par.?