Texts

Select a text:
Bibliography

Select a chapter:
(no revisions)

Associated topic(s): Indra, Varuṇa

Show parallels Show headlines
Use dependency labeler

Chapter id: 11260

imāni vām bhāgadheyāni sisrata indrāvaruṇā pra mahe suteṣu vām / (1.1) Par.?

yajñe yajñe ha savanā bhuraṇyatho yat sunvate yajamānāya śikṣathaḥ // (1.2) Par.?

niṣṣidhvarīr oṣadhīr āpa āstām indrāvaruṇā mahimānam āśata / (2.1) Par.?

yā sisratū rajasaḥ pāre adhvano yayoḥ śatrur nakir ādeva ohate // (2.2) Par.?

satyaṃ tad indrāvaruṇā kṛśasya vām madhva ūrmiṃ duhate sapta vāṇīḥ / (3.1) Par.?

tābhir dāśvāṃsam avataṃ śubhas patī yo vām adabdho abhipāti cittibhiḥ // (3.2) Par.?

ghṛtapruṣaḥ saumyā jīradānavaḥ sapta svasāraḥ sadana ṛtasya / (4.1) Par.?

yā ha vām indrāvaruṇā ghṛtaścutas tābhir dhattaṃ yajamānāya śikṣatam // (4.2) Par.?

avocāma mahate saubhagāya satyaṃ tveṣābhyām mahimānam indriyam / (5.1) Par.?

asmān sv indrāvaruṇā ghṛtaścutas tribhiḥ sāptebhir avataṃ śubhas patī // (5.2) Par.?

indrāvaruṇā yad ṛṣibhyo manīṣāṃ vāco matiṃ śrutam adattam agre / (6.1) Par.?

yāni sthānāny asṛjanta dhīrā yajñaṃ tanvānās tapasābhy apaśyam // (6.2) Par.?

indrāvaruṇā saumanasam adṛptaṃ rāyas poṣaṃ yajamāneṣu dhattam / (7.1) Par.?

prajām puṣṭim bhūtim asmāsu dhattaṃ dīrghāyutvāya pra tirataṃ na āyuḥ // (7.2) Par.?

Duration=0.030102968215942 secs.