Texts

Help

Select a text:
Bibliography

Select a chapter:
(no revisions)

Associated topic(s): sāman

Show parallels Show headlines
Use dependency labeler

Chapter id: 12660

Click on a sentence to show its analysis
Keep the mouse pointer over a lemma to show its meanings.

taddha pṛthur vainyo divyān vrātyān papracchendram uktham ṛcam udgītham āhur brahma sāma prāṇaṃ vyānam / (1.1) Par.?

mano vā cakṣur apānam āhuḥ śrotraṃ śrotriyā bahudhā vadantīti // (1.2) Par.?

te pratyūcur ṛṣaya ete mantrakṛtaḥ purājāḥ punar ājāyante vedānāṃ guptyai kam te vai vidvāṃso vainya tad vadanti samānam puruṣam bahudhā niviṣṭam iti // (2.1) Par.?

imāṃ ha vā tad devatāṃ trayyāṃ vidyāyām imāṃ samānām abhy eka āpayanti naike / (3.1) Par.?

yo ha vāvaitad evaṃ veda sa evaitāṃ devatāṃ samprati veda // (3.2) Par.?

sa eṣa indra udgīthaḥ / (4.1) Par.?

sa yadaiṣa indra udgītha āgacchati naivodgātuś copagātṝṇāṃ ca vijñāyate / (4.2) Par.?

ita evordhvaḥ svar udeti / (4.3) Par.?

sa upari mūrdhno lelāyati // (4.4) Par.?

sa vidyād āgamad indro neha kaścana pāpmā nyaṅgaḥ pariśekṣyata iti / (5.1) Par.?

tasmin ha na kaścana pāpmā nyaṅgaḥ pariśiṣyate // (5.2) Par.?

tad etad abhrātṛvyaṃ sāma / (6.1) Par.?

na ha vā indraḥ kaṃcana bhrātṛvyam paśyate / (6.2) Par.?

sa yathendro na kaṃcana bhrātṛvyam paśyata evam eva na kaṃcana bhrātṛvyam paśyate ya etad evaṃ vedātho yasyaivaṃ vidvān udgāyati // (6.3) Par.?

Duration=0.034503936767578 secs.