Texts

somena yakṣyamāṇa aindrāgnam usram ālabheta yasya pitā pitāmahaḥ somaṃ na pibet // (1.1) Par.?

ṛtvijo vṛṇīte / (2.1) Par.?

atharvāṅgirovidaṃ brahmāṇam / (2.2) Par.?

sāmavidam udgātāram / (2.3) Par.?

ṛgvidaṃ hotāram / (2.4) Par.?

yajurvidam adhvaryum // (2.5) Par.?

brāhmaṇācchaṃsī potāgnīdhra iti brahmaṇo 'nucarāḥ sadasyaś ca / (3.1) Par.?

prastotā pratihartā subrahmaṇya ity udgātuḥ / (3.2) Par.?

maitrāvaruṇo 'cchāvāko grāvastud iti hotuḥ / (3.3) Par.?

pratiprasthātā neṣṭonnetety adhvaryoḥ // (3.4) Par.?

vasantādiṣu yathāvarṇaṃ devayajanam ity uktam // (4) Par.?

yasya śvabhra ūrmo vṛkṣaḥ parvato nadī panthā vā purastāt syāt / (5.1) Par.?

na devayajanamātraṃ purastāt paryavaśiṣyet // (5.2) Par.?

somarūpāṇy anudhyāyet // (6.1) Par.?

dīkṣaṇīyāyām āgnāvaiṣṇavam // (7.1) Par.?

patnīsaṃyājāntā // (8.1) Par.?

dīkṣito 'bhyañjanam ity abhyajyamāno japati // (9.1) Par.?

punantu meti pāvyamānaḥ // (10.1) Par.?

sutrāmāṇam iti kṛṣṇājinam upaveśitaḥ // (11.1) Par.?

dīkṣitāvedanāt kāmaṃ caranti // (12.1) Par.?

astam ite vāgvisarjanād astaṃ yate nama iti namaskṛtya nakṣatrāṇāṃ mā saṃkāśaś ca pratīkāśaś cāvatām iti nakṣatrāṇy upatiṣṭhate // (13.1) Par.?

dakṣiṇenāgniṃ kaśipvityādi vīkṣaṇāntam // (14.1) Par.?

punaḥ prāṇa iti mantroktāny abhimantrayate // (15.1) Par.?

ādityasya mā saṃkāśaḥ / (16.1) Par.?

udyate nama ity ādityam upatiṣṭhate // (16.2) Par.?

vratāni // (17.1) Par.?

apratyutthāyikaḥ / (18.1) Par.?

anabhivādukaḥ // (18.2) Par.?

na nāma gṛhṇāti / (19.1) Par.?

vicakṣaṇottaraṃ brāhmaṇasya canasitottaraṃ prājāpatyasya // (19.2) Par.?

na dānahomapākādhyayanāni / (20.1) Par.?

na vasūni // (20.2) Par.?

kṛṣṇājinaṃ vasīta // (21.1) Par.?

kurīraṃ dhārayet // (22.1) Par.?

muṣṭī kuryāt // (23.1) Par.?

aṅguṣṭhaprabhṛtayas tisra ucchrayet // (24.1) Par.?

mṛgaśṛṅgaṃ gṛhṇīyāt / (25.1) Par.?

tena kaṣeta // (25.2) Par.?

yasya vāg vāyatā syān muṣṭī vāvasṛṣṭau sa etāni japet // (26.1) Par.?