Texts

nānāgneyaṃ kriyata iti // (1) Par.?

āhuḥ // (2) Par.?

kasmād ājyabhāgau yajantīti // (3) Par.?

cakṣuṣī vā ete yajñasya yad ājyabhāgau // (4) Par.?

yad ājyabhāgā antariyāc cakṣuṣī yajñasyāntariyāt // (5) Par.?

agna āyūṃṣi pavasa iti // (6) Par.?

etāṃ somasyājyabhāgasya loke kuryāt // (7) Par.?

yad āgneyam // (8) Par.?

tenāgneyī // (9) Par.?

yat pāvamānam // (10) Par.?

tena saumī // (11) Par.?

nānāgneyaṃ kriyate // (12) Par.?

na somam antareti // (13) Par.?

agnir mūrdhā divaḥ kakud iti // (14) Par.?

etāṃ somasyājyabhāgasya loke kuryāt prajākāmasya vā paśukāmasya vā // (15) Par.?

yan mithunā // (16) Par.?

tena prajananavatī // (17) Par.?

yad retasvatī // (18) Par.?

tena saumī // (19) Par.?

nānāgneyaṃ kriyate // (20) Par.?

na somam antareti // (21) Par.?

vīrahā vā eṣa devānāṃ yo 'gnim utsādayate // (22) Par.?

śatadāyo vīraḥ // (23) Par.?

yad etāś śatākṣarā akṣarapaṅktayaḥ // (24) Par.?

vīram evaitad devānām avadayate // (25) Par.?

anyasyai vai pramāyā ādheyo 'nyasyai punarādheyaḥ // (26) Par.?

na vai tām ādheyena spṛṇoti yasyai punarādheyaḥ // (27) Par.?

punarādheyena vāva tāṃ spṛṇoti // (28) Par.?

jarā vai devahitam āyuḥ // (29) Par.?

tāvatīr hi samā jīvati // (30) Par.?

tasmād āhuḥ // (31) Par.?

śatadāyo vīra iti // (32) Par.?

yad etāś śatākṣarā akṣarapaṅktayo bhavanti // (33) Par.?

yāvad eva vīryaṃ tad āpnoti // (34) Par.?

tat spṛṇoti // (35) Par.?

āyuṣā vā eṣa vīryeṇa vyṛdhyate yo 'gnim utsādayate // (36) Par.?

śatāyur vai puruṣaś śatavīryaḥ // (37) Par.?

āyur vīryaṃ hiraṇyam // (38) Par.?

yaddhiraṇyaṃ śatamānaṃ dadāti // (39) Par.?

āyur eva vīryaṃ punar ālabhate // (40) Par.?