Texts

śaunaḥśepaṃ ca preṣyati // (1) Par.?

dyūtānte vā // (2) Par.?

o3m ity ṛcāṃ pratigaras tatheti gāthānām // (3) Par.?

hotādhvaryū hiraṇmayyoḥ kaśipunor upaviṣṭau // (4) Par.?

śaunaḥśepānte pṛthak śate dadāti // (5) Par.?

sahasre vā // (6) Par.?

āsane ca // (7) Par.?

kaṇḍūyanyābhiṣekeṇa pralimpate pra parvatasyeti // (8) Par.?

carmaṇi trir vikramayati viṣṇor iti pratimantram // (9) Par.?

pālāśe śeṣān āsicya putrāya prayacchati priyatamāyedaṃ me karmedaṃ vīryaṃ putro 'nusaṃtanotv iti // (10) Par.?

śālādvārye juhoti putre 'nvārabdhe prajāpata iti putrayajamānayor nāma gṛhṇāti pitṛśabdaṃ putre kṛtvā yathāyathaṃ paścāt // (11) Par.?

āgnīdhrīye pālāśena śeṣān juhoti rudra yat ta ity uttarārdhe // (12) Par.?

gavāṃ śatam adhikaṃ vā svasyāhavanīyasyottarata sthāpayati // (13) Par.?

pūrvāgnivahanaṃ ca sāgni // (14) Par.?

vājapeyavad ratham avahṛtya dakṣiṇasyāṃ vediśroṇau yunakti pūrvavan mitrāvaruṇayor iti caturbhiḥ // (15) Par.?

dakṣiṇāpathena yātvāpareṇa cātvālaṃ sthāpayati // (16) Par.?

avyathāyai tveti sunvann ārohati // (17) Par.?

marutām iti dakṣiṇadhuryaṃ prājati // (18) Par.?

gavāṃ madhye sthāpayaty āpāmeti // (19) Par.?

dhanurārtnyopaspṛśati gāṃ yajamānaḥ sam indriyeṇeti // (20) Par.?

jinānīmāḥ kurva imā iti cāha // (21) Par.?

tāvadbhūyo vā gosvāmine dattvā pūrveṇa yūpaṃ parītyāntaḥpātyadeśe sthāpayati mā ta iti // (22) Par.?

agnaye gṛhapataya iti catvāri rathavimocanīyāni juhoti pratimantram // (23) Par.?

paśūnāṃ raso 'sīti varāhopanahā upamuñcate // (24) Par.?

bhūmim avekṣate pṛthivi mātar iti // (25) Par.?

avarohati haṃsaḥ śuciṣad iti // (26) Par.?

vimucya sayantṛkaṃ rathavāhaṇe karoti // (27) Par.?

anas tat karma // (28) Par.?

śālāyā dakṣiṇato 'papravate yantā // (29) Par.?

rathavāhaṇasya dakṣiṇe 'nte śatamānāv āsajati vṛttau // (30) Par.?

anuvartmam audumbarīṃ śākhām upagūhati // (31) Par.?

upaspṛśati śatamānāv iyad asīti // (32) Par.?

tau brahmaṇe dattvorg asīti śākhām upaspṛśati // (33) Par.?

indrasya vām ity avaharate bāhū payasyāyāṃ vyāghracarmadeśe sthitāyām // (34) Par.?

seṣukaṃ dhanuḥ prayacchati // (35) Par.?

uttaravediṃ hṛtvā payasyayā pracarati prāk sviṣṭakṛtaḥ // (36) Par.?