Texts

caturṣu māseṣu varuṇapraghāsāḥ // (1) Par.?

pratiprasthātāmikṣāyai mārutyai vatsān apākaroty adhvaryur vāruṇyai // (2) Par.?

pratiprasthātuḥ payasi // (3) Par.?

pūrvakarmādhvaryor ārāt // (4) Par.?

pūrvedyur agnipraṇayanam // (5) Par.?

vedī kuruta uttarām adhvaryur dakṣiṇāṃ pratiprasthātā // (6) Par.?

asaṃbhinne same // (7) Par.?

pṛthamātram antarā // (8) Par.?

uttarasyām uttaravedisaṃbhārān nyupyāhavanīyād agnī praṇayataḥ // (9) Par.?

agnibhyāṃ praṇīyamānābhyām anubrūhīti saṃpreṣyati // (10) Par.?

agreṇottarāṃ vediṃ pratiprasthātāntarā vedī pratiprasthātā // (11) Par.?

pātrāṇi prayunakti // (12) Par.?

avinirdeśe samānam ubhayoḥ karma // (13) Par.?

yathā vaiśvadeve havīṃṣy oṣadhapātrāṇi // (14) Par.?

āmantraṇādi prāṇītāḥ saṃpraiṣān mārutīvarjaṃ nirmanthyaṃ pracaratimiḍām ity adhvaryur eva patnīsaṃyājaprabhṛti // (15) Par.?

samāno hotā brahmāgnīdhraḥ utkaraḥ // (16) Par.?

pañca saṃcarāṇyaindrāgno dvādaśakapālo māruty āmikṣā vāruṇy āmikṣā kāya ekakapālo vājinam iti havīṃṣi // (17) Par.?

nirupteṣu pratiprasthātā tūṣṇīko yavān nyupyāmapeṣāṇāṃ karambhapātrāṇi karoti pratipuruṣaṃ yajamānasyaikaṃ cāṅguṣṭhaparvamātrāṇy ekoddhīni // (18) Par.?

śamīparṇaiḥ pūrayitvā śeṣasya meṣaṃ ca meṣīṃ ca kurutaḥ // (19) Par.?

niktābhir ūrṇābhir āveṣṭya paraḥśatāni śamīparṇāni ghāsaṃ nivapataḥ // (20) Par.?

uttaraiḥ parigrāhaiḥ parigṛhya dakṣiṇasyā vedyā uttarasyāḥ śroṇyā adhy uttarasyā ā dakṣiṇād aṃsāt sphyena vedī sambhinatti // (21) Par.?

pṛṣadājye gṛhṇītaḥ sakṛd upastīrya dvir dadhi dvir abhighārayet // (22) Par.?

udvāsanavelāyām āmikṣayoḥ kharjūrasaktūn āvapataḥ // (23) Par.?

mārutyāṃ pratiprasthātā meṣam avadadhāti vāruṇyām adhvaryur meṣīm // (24) Par.?

āsādayantau vipariharataḥ // (25) Par.?

vāruṇīniṣkāṣaṃ nidadhāti // (26) Par.?

uttarasminn agnau saṃmṛṣṭe 'saṃmṛṣṭe dakṣiṇasmin pratiprasthātā patnīṃ pṛcchati katibhir mithunam acara iti // (27) Par.?

satyaṃ vivācayiṣet // (28) Par.?

yān nirdiśet tān varuṇo gṛhṇātv iti brūyāt // (29) Par.?

praghāsyān havāmaha iti karambhapātrāṇy ādāya yajamānaḥ patnī cāpareṇa vihāram anuparikramya purastāt pratyañcau tiṣṭhantau śirasy ādhāya dakṣiṇasminn agnau śūrpeṇa juhutaḥ // (30) Par.?

mo ṣū ṇa iti yajamānaḥ puronuvākyāṃ japati // (31) Par.?

yad grāma ity ubhau yājyāṃ nigadya juhutaḥ // (32) Par.?

akran karmeti vyutkrāmantāv anumantrayete // (33) Par.?

adhvaryur vā juhuyād anvārabheyātām etau // (34) Par.?

ājyabhāgābhyāṃ pracarya srukpāṇiḥ pratiprasthātākāṅkṣati yāvad adhvaryur aindrāgnaṣaṣṭhaiḥ pracarati // (35) Par.?

mārutyāḥ pratiprasthātā pūrveṇāvadānena saha meṣīm avadyati vāruṇyā adhvaryur uttareṇa saha meṣam // (36) Par.?

iḍāvatsarīyāṃ svastim āśāsa iti yajamāno japati // (37) Par.?

mithunau gāvau dakṣiṇā // (38) Par.?

samavanīya vājinaṃ bhakṣayaty upāste pratiprasthātā // (39) Par.?

patnīsaṃyājān samiṣṭayajur adhvaryur juhoti yathā paśubandhe // (40) Par.?

tūṣṇīṃ pratiprasthātā srucaṃ vikṣārayati // (41) Par.?

vāruṇīniṣkāṣeṇa tuṣaiś cāvabhṛthaṃ yanti yathā some sāma ṛjīṣabhakṣaṇaṃ snānam iti parihāpya // (42) Par.?

nivartayate / (43.1) Par.?

yad gharmaḥ paryāvartayad antān pṛthivyā adhi / (43.2) Par.?

agnis tigmeneti samānam // (43.3) Par.?