Texts

atra devatānāṃ rājā indraḥ // (1) Par.?

kathaṃ gamyate asureṣvācaraṇavacanāt // (2) Par.?

brāhmaṇaścāyamindraḥ śreṣṭhaḥ // (3) Par.?

sūtre brāhmaṇagrahaṇāt śūdrapratiṣedhāc ca // (4) Par.?

idi paramaiśvarye dhātuḥ tasyendraḥ // (5) Par.?

indra utkṛṣṭaḥ śreṣṭhaḥ devagandharvayakṣarākṣasapitṛpiśācādīnāṃ śreṣṭho na tu brahmādīnām // (6) Par.?

kiṃ tu svargiṇāṃ madhye aiśvaryeṇa vidyayā ājñayā cety ataḥ śreṣṭhatvād indraḥ // (7.1) Par.?

vāśabdaḥ sambhāvane // (8) Par.?

anyairapi devaśreṣṭhairidaṃ vidhānamācīrṇam // (9) Par.?

kutastarhi yuṣmadādibhir manuṣyamātraiḥ // (10) Par.?

tasmāt saṃbhāvyo'yamarthaḥ // (11) Par.?

āha kadā cīrṇamiti // (12) Par.?

ucyate 'gre // (13) Par.?

atrāgra iti pūrvakālamadhikurute // (14) Par.?

kuśikeśānasambandhāt prāk // (15) Par.?

prathamam amaraiścīrṇam // (16) Par.?

kṛtatretādvāparādiṣu yugeṣvityarthaḥ // (17) Par.?

āha keṣvācīrṇamiti // (18) Par.?

ucyate asureṣu // (19) Par.?

atrāsurā nāma suretarāḥ steyayuktāḥ // (20) Par.?

prāṇāpaharaṇād vā asurāḥ prajāpatiputrā vijñeyāḥ // (21) Par.?

asureṣviti sāmīpikaṃ saṃnidhānam // (22) Par.?

asurasamīpe asurābhyāśe asurāṇāmadhyakṣa ityarthaḥ // (23) Par.?

āha kiṃ taditi // (24) Par.?

ucyate pāśupatam // (25) Par.?

atra paśupatinoktaparigrahādhikāreṣu vartata iti pāśupatam // (26) Par.?

paśupatirvāsmin cintyata iti pāśupatam // (27) Par.?

paśupatiprāpakatvād vā pāśupatam // (28) Par.?

pāśupatamiti samastasya sampūrṇasya vidhānasyaitad grahaṇam // (29) Par.?

kasmāt // (30) Par.?

vyaktaliṅgapūrvakatvād avyaktādikramasya // (31) Par.?

tasmāt kṛtsnamidameva vidhānamācīrṇamindreṇa duḥkhāntārthinā śuddhivṛddhyartham // (32) Par.?

dharmabāhulyāt surāṇāṃ bhuvyācīrṇam // (33) Par.?

acarad ityatītaḥ kālaḥ // (34) Par.?

atīte kāle cīrṇavān ityarthaḥ // (35) Par.?

āha indreṇāsureṣvācaratā kiṃ phalaṃ prāptam // (36) Par.?

taducyate // (37) Par.?