UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Agni
Show parallels
Show headlines
Use dependency labeler
Chapter id: 9778
- Click on a sentence to show its analysis
- Keep the mouse pointer over a lemma to show its meanings.
ekaḥ samudro dharuṇo rayīṇām asmaddhṛdo bhūrijanmā vi caṣṭe / (1.1)
Par.?
siṣakty ūdhar niṇyor upastha utsasya madhye nihitam padaṃ veḥ // (1.2)
Par.?
samānaṃ nīḍaṃ vṛṣaṇo vasānāḥ saṃ jagmire mahiṣā arvatībhiḥ / (2.1)
Par.?
ṛtasya padaṃ kavayo ni pānti guhā nāmāni dadhire parāṇi // (2.2)
Par.?
ṛtāyinī māyinī saṃ dadhāte mitvā śiśuṃ jajñatur vardhayantī / (3.1)
Par.?
viśvasya nābhiṃ carato dhruvasya kaveś cit tantum manasā viyantaḥ // (3.2)
Par.?
ṛtasya hi vartanayaḥ sujātam iṣo vājāya pradivaḥ sacante / (4.1)
Par.?
adhīvāsaṃ rodasī vāvasāne ghṛtair annair vāvṛdhāte madhūnām // (4.2)
Par.?
sapta svasṝr aruṣīr vāvaśāno vidvān madhva uj jabhārā dṛśe kam / (5.1)
Par.?
antar yeme antarikṣe purājā icchan vavrim avidat pūṣaṇasya // (5.2)
Par.?
sapta maryādāḥ kavayas tatakṣus tāsām ekām id abhy aṃhuro gāt / (6.1)
Par.?
āyor ha skambha upamasya nīḍe pathāṃ visarge dharuṇeṣu tasthau // (6.2)
Par.?
asac ca sac ca parame vyoman dakṣasya janmann aditer upasthe / (7.1)
Par.?
agnir ha naḥ prathamajā ṛtasya pūrva āyuni vṛṣabhaś ca dhenuḥ // (7.2)
Par.?
Duration=0.025545835494995 secs.