Texts

ṣoḍaśavarṣasya godānam / (1.1) Par.?

agniṃ vādhyeṣyamāṇasya / (1.2) Par.?

agnigodāno maitrāyaṇiḥ // (1.3) Par.?

jaṭākaraṇenokto mantravidhiḥ // (2) Par.?

upastha upakakṣayoś cādhiko mantraprayogaḥ / (3.1) Par.?

yat kṣureṇa marcayatā supeśasā vaptar vapasi keśaśmaśrūn / (3.2) Par.?

śundha śiro mukhaṃ māsyāyuḥ pramoṣīḥ / (3.3) Par.?

iti // (3.4) Par.?

bhūmau keśān nikhanet // (4) Par.?

ante gāṃ dadyāt // (5) Par.?

vede guruṇānujñātaḥ snāyāt // (6) Par.?

chandasy arthān buddhvā snāsyan gāṃ kārayet // (7) Par.?

ācāryamarhayet // (8) Par.?

āpo hi ṣṭheti tisṛbhiḥ hiraṇyavarṇāḥ śucaya iti catasṛbhiḥ snātvāhate vāsasī paridadhīta vasvasi vasumantaṃ māṃ kuru sauvarcasāya vāṃ tejase brahmavarcasāya paridadhānīti // (9) Par.?

viśvajanasya chāyāsīti chattraṃ dhārayate // (10) Par.?

mālāmābadhnīte yām aśvinau dhārayetāṃ bṛhatīṃ puṣkarasrajam / (11.1) Par.?

tāṃ viśvair devair anumatāṃ mālāmāropayāmi / (11.2) Par.?

iti // (11.3) Par.?

tejo 'sīti hiraṇyaṃ bibhṛyāt // (12) Par.?

pratiṣṭhe stho devate mā mā saṃtāptam ityupānahau // (13) Par.?

viṣṭambho 'sīti dhārayedvaiṇavīṃ yaṣṭim // (14) Par.?

sodakaṃ ca kamaṇḍalum // (15) Par.?

nityavratāny āhur ācāryāḥ // (16) Par.?

dvivastro 'ta ūrdhvam / (17.1) Par.?

śobhanaṃ vāso bhartavyamiti śrutiḥ // (17.2) Par.?

āmantrya gurūn gurvadhīnāṃśca svān gṛhānvrajet // (18) Par.?

pratiṣiddham aparayā dvārā niḥsaraṇaṃ malavadvāsasā saha sambhāṣā rajasvadvāsasā saha śayyā gor guror duruktavacanam asthāne śayanaṃ sthānaṃ smayanaṃ yānaṃ gānaṃ smaraṇamiti / (19.1) Par.?

tāni varjayet // (19.2) Par.?

yājanaṃ vṛttiḥ / (20.1) Par.?

uñchaṃ śilam ayācitapratigrahaḥ sādhubhyo vā yācitam / (20.2) Par.?

asaṃsidhyamānāyāṃ vā vaiśyavṛttiḥ // (20.3) Par.?

svādhyāyavirodhino 'rthān utsṛjet // (21) Par.?