Texts

teṣāṃ tadvacanaṃ śrutvā vasiṣṭhaḥ pratyuvāca ha / (1.1) Par.?

mitrāmātyagaṇān sarvān brāhmaṇāṃs tān idaṃ vacaḥ // (1.2) Par.?

yad asau mātulakule pure rājagṛhe sukhī / (2.1) Par.?

bharato vasati bhrātrā śatrughnena samanvitaḥ // (2.2) Par.?

tacchīghraṃ javanā dūtā gacchantu tvaritair hayaiḥ / (3.1) Par.?

ānetuṃ bhrātarau vīrau kiṃ samīkṣāmahe vayam // (3.2) Par.?

gacchantv iti tataḥ sarve vasiṣṭhaṃ vākyam abruvan / (4.1) Par.?

teṣāṃ tadvacanaṃ śrutvā vasiṣṭho vākyam abravīt // (4.2) Par.?

ehi siddhārtha vijaya jayantāśokanandana / (5.1) Par.?

śrūyatām itikartavyaṃ sarvān eva bravīmi vaḥ // (5.2) Par.?

puraṃ rājagṛhaṃ gatvā śīghraṃ śīghrajavair hayaiḥ / (6.1) Par.?

tyaktaśokair idaṃ vācyaḥ śāsanād bharato mama // (6.2) Par.?

purohitas tvāṃ kuśalaṃ prāha sarve ca mantriṇaḥ / (7.1) Par.?

tvaramāṇaś ca niryāhi kṛtyam ātyayikaṃ tvayā // (7.2) Par.?

mā cāsmai proṣitaṃ rāmaṃ mā cāsmai pitaraṃ mṛtam / (8.1) Par.?

bhavantaḥ śaṃsiṣur gatvā rāghavāṇām imaṃ kṣayam // (8.2) Par.?

kauśeyāni ca vastrāṇi bhūṣaṇāni varāṇi ca / (9.1) Par.?

kṣipram ādāya rājñaś ca bharatasya ca gacchata / (9.2) Par.?

vasiṣṭhenābhyanujñātā dūtāḥ saṃtvaritā yayuḥ // (9.3) Par.?

te hastinapure gaṅgāṃ tīrtvā pratyaṅmukhā yayuḥ / (10.1) Par.?

pāñcāladeśam āsādya madhyena kurujāṅgalam // (10.2) Par.?

te prasannodakāṃ divyāṃ nānāvihagasevitām / (11.1) Par.?

upātijagmur vegena śaradaṇḍāṃ janākulām // (11.2) Par.?

nikūlavṛkṣam āsādya divyaṃ satyopayācanam / (12.1) Par.?

abhigamyābhivādyaṃ taṃ kuliṅgāṃ prāviśan purīm // (12.2) Par.?

abhikālaṃ tataḥ prāpya tejo'bhibhavanāc cyutāḥ / (13.1) Par.?

yayur madhyena vāhlīkān sudāmānaṃ ca parvatam / (13.2) Par.?

viṣṇoḥ padaṃ prekṣamāṇā vipāśāṃ cāpi śālmalīm // (13.3) Par.?

te śrāntavāhanā dūtā vikṛṣṭena satā pathā / (14.1) Par.?

girivrajaṃ puravaraṃ śīghram āsedur añjasā // (14.2) Par.?

bhartuḥ priyārthaṃ kularakṣaṇārthaṃ bhartuś ca vaṃśasya parigrahārtham / (15.1) Par.?

aheḍamānās tvarayā sma dūtā rātryāṃ tu te tat puram eva yātāḥ // (15.2) Par.?