UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1486
- Click on a sentence to show its analysis
- Keep the mouse pointer over a lemma to show its meanings.
pratiprayāte bharate vasan rāmas tapovane / (1.1)
Par.?
lakṣayāmāsa sodvegam athautsukyaṃ tapasvinām // (1.2)
Par.?
ye tatra citrakūṭasya purastāt tāpasāśrame / (2.1)
Par.?
rāmam āśritya niratās tān alakṣayad utsukān // (2.2)
Par.?
nayanair bhṛkuṭībhiś ca rāmaṃ nirdiśya śaṅkitāḥ / (3.1)
Par.?
anyonyam upajalpantaḥ śanaiś cakrur mithaḥ kathāḥ // (3.2)
Par.?
teṣām autsukyam ālakṣya rāmas tv ātmani śaṅkitaḥ / (4.1)
Par.?
kṛtāñjalir uvācedam ṛṣiṃ kulapatiṃ tataḥ // (4.2)
Par.?
na kaccid bhagavan kiṃcit pūrvavṛttam idaṃ mayi / (5.1)
Par.?
dṛśyate vikṛtaṃ yena vikriyante tapasvinaḥ // (5.2)
Par.?
pramādāc caritaṃ kaccit kiṃcin nāvarajasya me / (6.1)
Par.?
lakṣmaṇasyarṣibhir dṛṣṭaṃ nānurūpam ivātmanaḥ // (6.2)
Par.?
kaccicchuśrūṣamāṇā vaḥ śuśrūṣaṇaparā mayi / (7.1)
Par.?
pramadābhyucitāṃ vṛttiṃ sītā yuktaṃ na vartate // (7.2)
Par.?
atharṣir jarayā vṛddhas tapasā ca jarāṃ gataḥ / (8.1)
Par.?
vepamāna ivovāca rāmaṃ bhūtadayāparam // (8.2)
Par.?
kutaḥ kalyāṇasattvāyāḥ kalyāṇābhirates tathā / (9.1) Par.?
calanaṃ tāta vaidehyās tapasviṣu viśeṣataḥ // (9.2)
Par.?
tvannimittam idaṃ tāvat tāpasān prati vartate / (10.1)
Par.?
rakṣobhyas tena saṃvignāḥ kathayanti mithaḥ kathāḥ // (10.2)
Par.?
rāvaṇāvarajaḥ kaścit kharo nāmeha rākṣasaḥ / (11.1)
Par.?
utpāṭya tāpasān sarvāñjanasthānaniketanān // (11.2)
Par.?
dhṛṣṭaś ca jitakāśī ca nṛśaṃsaḥ puruṣādakaḥ / (12.1)
Par.?
avaliptaś ca pāpaś ca tvāṃ ca tāta na mṛṣyate // (12.2)
Par.?
tvaṃ yadā prabhṛti hy asminn āśrame tāta vartase / (13.1)
Par.?
tadā prabhṛti rakṣāṃsi viprakurvanti tāpasān // (13.2)
Par.?
darśayanti hi bībhatsaiḥ krūrair bhīṣaṇakair api / (14.1)
Par.?
nānārūpair virūpaiś ca rūpair asukhadarśanaiḥ // (14.2)
Par.?
apraśastair aśucibhiḥ saṃprayojya ca tāpasān / (15.1)
Par.?
pratighnanty aparān kṣipram anāryāḥ purataḥ sthitāḥ // (15.2)
Par.?
teṣu teṣv āśramasthāneṣv abuddham avalīya ca / (16.1)
Par.?
ramante tāpasāṃs tatra nāśayanto 'lpacetasaḥ // (16.2)
Par.?
apakṣipanti srugbhāṇḍān agnīn siñcanti vāriṇā / (17.1)
Par.?
kalaśāṃś ca pramṛdnanti havane samupasthite // (17.2)
Par.?
tair durātmabhir āviṣṭān āśramān prajihāsavaḥ / (18.1)
Par.?
gamanāyānyadeśasya codayanty ṛṣayo 'dya mām // (18.2)
Par.?
tat purā rāma śārīrām upahiṃsāṃ tapasviṣu / (19.1)
Par.?
darśayanti hi duṣṭās te tyakṣyāma imam āśramam // (19.2)
Par.?
bahumūlaphalaṃ citram avidūrād ito vanam / (20.1)
Par.?
purāṇāśramam evāhaṃ śrayiṣye sagaṇaḥ punaḥ // (20.2)
Par.?
kharas tvayy api cāyuktaṃ purā tāta pravartate / (21.1)
Par.?
sahāsmābhir ito gaccha yadi buddhiḥ pravartate // (21.2)
Par.?
sakalatrasya saṃdeho nityaṃ yat tasya rāghava / (22.1)
Par.?
samarthasyāpi hi sato vāso duḥkham ihādya te // (22.2)
Par.?
ity uktavantaṃ rāmas taṃ rājaputras tapasvinam / (23.1)
Par.?
na śaśākottarair vākyair avaroddhuṃ samutsukam // (23.2)
Par.?
abhinandya samāpṛcchya samādhāya ca rāghavam / (24.1)
Par.?
sa jagāmāśramaṃ tyaktvā kulaiḥ kulapatiḥ saha // (24.2)
Par.?
rāmaḥ saṃsādhya tv ṛṣigaṇam anugamanād deśāt tasmāt kulapatim abhivādyarṣim / (25.1)
Par.?
samyakprītais tair anumata upadiṣṭārthaḥ puṇyaṃ vāsāya svanilayam upasaṃpede // (25.2)
Par.?
āśramaṃ tv ṛṣivirahitaṃ prabhuḥ kṣaṇam api na jahau sa rāghavaḥ / (26.1)
Par.?
rāghavaṃ hi satatam anugatās tāpasāś cārṣacaritadhṛtaguṇāḥ // (26.2)
Par.?
Duration=0.10292601585388 secs.