Texts

tathā bruvāṇaṃ saumitriṃ pradīptam iva tejasā / (1.1) Par.?

abravīl lakṣmaṇaṃ tārā tārādhipanibhānanā // (1.2) Par.?

naivaṃ lakṣmaṇa vaktavyo nāyaṃ paruṣam arhati / (2.1) Par.?

harīṇām īśvaraḥ śrotuṃ tava vaktrād viśeṣataḥ // (2.2) Par.?

naivākṛtajñaḥ sugrīvo na śaṭho nāpi dāruṇaḥ / (3.1) Par.?

naivānṛtakatho vīra na jihmaś ca kapīśvaraḥ // (3.2) Par.?

upakāraṃ kṛtaṃ vīro nāpy ayaṃ vismṛtaḥ kapiḥ / (4.1) Par.?

rāmeṇa vīra sugrīvo yad anyair duṣkaraṃ raṇe // (4.2) Par.?

rāmaprasādāt kīrtiṃ ca kapirājyaṃ ca śāśvatam / (5.1) Par.?

prāptavān iha sugrīvo rumāṃ māṃ ca paraṃtapa // (5.2) Par.?

suduḥkhaṃ śāyitaḥ pūrvaṃ prāpyedaṃ sukham uttamam / (6.1) Par.?

prāptakālaṃ na jānīte viśvāmitro yathā muniḥ // (6.2) Par.?

ghṛtācyāṃ kila saṃsakto daśavarṣāṇi lakṣmaṇa / (7.1) Par.?

aho 'manyata dharmātmā viśvāmitro mahāmuniḥ // (7.2) Par.?

sa hi prāptaṃ na jānīte kālaṃ kālavidāṃ varaḥ / (8.1) Par.?

viśvāmitro mahātejāḥ kiṃ punar yaḥ pṛthagjanaḥ // (8.2) Par.?

dehadharmaṃ gatasyāsya pariśrāntasya lakṣmaṇa / (9.1) Par.?

avitṛptasya kāmeṣu rāmaḥ kṣantum ihārhati // (9.2) Par.?

na ca roṣavaśaṃ tāta gantum arhasi lakṣmaṇa / (10.1) Par.?

niścayārtham avijñāya sahasā prākṛto yathā // (10.2) Par.?

sattvayuktā hi puruṣās tvadvidhāḥ puruṣarṣabha / (11.1) Par.?

avimṛśya na roṣasya sahasā yānti vaśyatām // (11.2) Par.?

prasādaye tvāṃ dharmajña sugrīvārthe samāhitā / (12.1) Par.?

mahān roṣasamutpannaḥ saṃrambhas tyajyatām ayam // (12.2) Par.?

rumāṃ māṃ kapirājyaṃ ca dhanadhānyavasūni ca / (13.1) Par.?

rāmapriyārthaṃ sugrīvas tyajed iti matir mama // (13.2) Par.?

samāneṣyati sugrīvaḥ sītayā saha rāghavam / (14.1) Par.?

śaśāṅkam iva rohiṇyā nihatvā rāvaṇaṃ raṇe // (14.2) Par.?

śatakoṭisahasrāṇi laṅkāyāṃ kila rakṣasām / (15.1) Par.?

ayutāni ca ṣaṭtriṃśat sahasrāṇi śatāni ca // (15.2) Par.?

ahatvā tāṃś ca durdharṣān rākṣasān kāmarūpiṇaḥ / (16.1) Par.?

na śakyo rāvaṇo hantuṃ yena sā maithilī hṛtā // (16.2) Par.?

te na śakyā raṇe hantum asahāyena lakṣmaṇa / (17.1) Par.?

rāvaṇaḥ krūrakarmā ca sugrīveṇa viśeṣataḥ // (17.2) Par.?

evam ākhyātavān vālī sa hy abhijño harīśvaraḥ / (18.1) Par.?

āgamas tu na me vyaktaḥ śravāt tasya bravīmy aham // (18.2) Par.?

tvatsahāyanimittaṃ vai preṣitā haripuṃgavāḥ / (19.1) Par.?

ānetuṃ vānarān yuddhe subahūn hariyūthapān // (19.2) Par.?

tāṃś ca pratīkṣamāṇo 'yaṃ vikrāntān sumahābalān / (20.1) Par.?

rāghavasyārthasiddhyarthaṃ na niryāti harīśvaraḥ // (20.2) Par.?

kṛtā tu saṃsthā saumitre sugrīveṇa yathāpurā / (21.1) Par.?

adya tair vānaraiḥ sarvair āgantavyaṃ mahābalaiḥ // (21.2) Par.?

ṛkṣakoṭisahasrāṇi golāṅgūlaśatāni ca / (22.1) Par.?

adya tvām upayāsyanti jahi kopam ariṃdama / (22.2) Par.?

koṭyo 'nekās tu kākutstha kapīnāṃ dīptatejasām // (22.3) Par.?

tava hi mukham idaṃ nirīkṣya kopāt kṣatajanibhe nayane nirīkṣamāṇāḥ / (23.1) Par.?

harivaravanitā na yānti śāntiṃ prathamabhayasya hi śaṅkitāḥ sma sarvāḥ // (23.2) Par.?