UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3730
- Click on a sentence to show its analysis
- Keep the mouse pointer over a lemma to show its meanings.
athāto naigameṣapratiṣedhaṃ vyākhyāsyāmaḥ // (1)
Par.?
yathovāca bhagavān dhanvantariḥ // (2) Par.?
bilvāgnimanthapūtīkāḥ kāryāḥ syuḥ pariṣecane / (3.1)
Par.?
surā sabījaṃ dhānyāmlaṃ pariṣeke ca śasyate // (3.2)
Par.?
priyaṅgusaralānantāśatapuṣpākuṭannaṭaiḥ / (4.1)
Par.?
pacettailaṃ sagomūtrair dadhimastvamlakāñjikaiḥ // (4.2)
Par.?
pañcamūladvayakvāthe kṣīre madhurakeṣu ca / (5.1)
Par.?
pacedghṛtaṃ ca medhāvī kharjūrīmastake 'pi vā // (5.2)
Par.?
vacāṃ vayaḥsthāṃ golomīṃ jaṭilāṃ cāpi dhārayet / (6.1)
Par.?
utsādanaṃ hitaṃ cātra skandāpasmāranāśanam // (6.2)
Par.?
siddhārthakavacāhiṅgukuṣṭhaṃ caivākṣataiḥ saha / (7.1)
Par.?
bhallātakājamodāśca hitamuddhūpanaṃ śiśoḥ // (7.2)
Par.?
markaṭolūkagṛdhrāṇāṃ purīṣāṇi navagrahe / (8.1)
Par.?
dhūpaḥ supte jane kāryo bālasya hitamicchatā // (8.2)
Par.?
tilataṇḍulakaṃ mālyaṃ bhakṣyāṃśca vividhān api / (9.1)
Par.?
kumārapitṛmeṣāya vṛkṣamūle nivedayet // (9.2)
Par.?
adhastādvaṭavṛkṣasya snapanaṃ copadiśyate / (10.1)
Par.?
baliṃ nyagrodhavṛkṣeṣu tithau ṣaṣṭhyāṃ nivedayet // (10.2)
Par.?
ajānanaścalākṣibhrūḥ kāmarūpī mahāyaśāḥ / (11.1)
Par.?
bālaṃ bālapitā devo naigameṣo 'bhirakṣatu // (11.2)
Par.?
Duration=0.037317037582397 secs.