UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4915
- Click on a sentence to show its analysis
- Keep the mouse pointer over a lemma to show its meanings.
tathā saṃcoditaḥ sūto lakṣmaṇena mahātmanā / (1.1)
Par.?
tad vākyam ṛṣiṇā proktaṃ vyāhartum upacakrame // (1.2)
Par.?
purā nāmnā hi durvāsā atreḥ putro mahāmuniḥ / (2.1)
Par.?
vasiṣṭhasyāśrame puṇye sa vārṣikyam uvāsa ha // (2.2)
Par.?
tam āśramaṃ mahātejāḥ pitā te sumahāyaśāḥ / (3.1)
Par.?
purodhasaṃ mahātmānaṃ didṛkṣur agamat svayam // (3.2)
Par.?
sa dṛṣṭvā sūryasaṃkāśaṃ jvalantam iva tejasā / (4.1)
Par.?
upaviṣṭaṃ vasiṣṭhasya savye pārśve mahāmunim / (4.2)
Par.?
tau munī tāpasaśreṣṭhau vinītastvabhyavādayat // (4.3)
Par.?
sa tābhyāṃ pūjito rājā svāgatenāsanena ca / (5.1)
Par.?
pādyena phalamūlaiśca so 'pyāste munibhiḥ saha // (5.2)
Par.?
teṣāṃ tatropaviṣṭānāṃ tāstāḥ sumadhurāḥ kathāḥ / (6.1)
Par.?
babhūvuḥ paramarṣīṇāṃ madhyādityagate 'hani // (6.2)
Par.?
tataḥ kathāyāṃ kasyāṃcit prāñjaliḥ pragraho nṛpaḥ / (7.1)
Par.?
uvāca taṃ mahātmānam atreḥ putraṃ tapodhanam // (7.2) Par.?
bhagavan kiṃ pramāṇena mama vaṃśo bhaviṣyati / (8.1)
Par.?
kimāyuśca hi me rāmaḥ putrāścānye kimāyuṣaḥ // (8.2)
Par.?
rāmasya ca sutā ye syusteṣām āyuḥ kiyad bhavet / (9.1)
Par.?
kāmyayā bhagavan brūhi vaṃśasyāsya gatiṃ mama // (9.2)
Par.?
tacchrutvā vyāhṛtaṃ vākyaṃ rājño daśarathasya tu / (10.1)
Par.?
durvāsāḥ sumahātejā vyāhartum upacakrame // (10.2)
Par.?
ayodhyāyāḥ patī rāmo dīrghakālaṃ bhaviṣyati / (11.1)
Par.?
sukhinaśca samṛddhāśca bhaviṣyantyasya cānujāḥ // (11.2)
Par.?
kasmiṃścit kāraṇe tvāṃ ca maithilīṃ ca yaśasvinīm / (12.1)
Par.?
saṃtyajiṣyati dharmātmā kālena mahatā kila // (12.2)
Par.?
daśavarṣasahasrāṇi daśavarṣaśatāni ca / (13.1)
Par.?
rāmo rājyam upāsitvā brahmalokaṃ gamiṣyati // (13.2)
Par.?
samṛddhair hayamedhaiśca iṣṭvā parapuraṃjayaḥ / (14.1)
Par.?
rājavaṃśāṃśca kākutstho bahūn saṃsthāpayiṣyati // (14.2)
Par.?
sa sarvam akhilaṃ rājño vaṃśasyāsya gatāgatam / (15.1)
Par.?
ākhyāya sumahātejāstūṣṇīm āsīnmahādyutiḥ // (15.2)
Par.?
tūṣṇīṃbhūte munau tasmin rājā daśarathastadā / (16.1)
Par.?
abhivādya mahātmānau punar āyāt purottamam // (16.2)
Par.?
etad vaco mayā tatra muninā vyāhṛtaṃ purā / (17.1)
Par.?
śrutaṃ hṛdi ca nikṣiptaṃ nānyathā tad bhaviṣyati // (17.2)
Par.?
evaṃgate na saṃtāpaṃ gantum arhasi rāghava / (18.1)
Par.?
sītārthe rāghavārthe vā dṛḍho bhava narottama // (18.2)
Par.?
tacchrutvā vyāhṛtaṃ vākyaṃ sūtasya paramādbhutam / (19.1)
Par.?
praharṣam atulaṃ lebhe sādhu sādhviti cābravīt // (19.2)
Par.?
tayoḥ saṃvadator evaṃ sūtalakṣmaṇayoḥ pathi / (20.1)
Par.?
astam arko gato vāsaṃ gomatyāṃ tāvathoṣatuḥ // (20.2)
Par.?
Duration=0.12520909309387 secs.