UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4941
- Click on a sentence to show its analysis
- Keep the mouse pointer over a lemma to show its meanings.
evam uktvā tu kākutsthaṃ praśasya ca punaḥ punaḥ / (1.1)
Par.?
punar evāparaṃ vākyam uvāca raghunandanaḥ // (1.2)
Par.?
imānyaśvasahasrāṇi catvāri puruṣarṣabha / (2.1)
Par.?
rathānāṃ ca sahasre dve gajānāṃ śatam eva ca // (2.2)
Par.?
antarāpaṇavīthyaśca nānāpaṇyopaśobhitāḥ / (3.1)
Par.?
anugacchantu śatrughna tathaiva naṭanartakāḥ // (3.2) Par.?
hiraṇyasya suvarṇasya ayutaṃ puruṣarṣabha / (4.1)
Par.?
gṛhītvā gaccha śatrughna paryāptadhanavāhanaḥ // (4.2)
Par.?
balaṃ ca subhṛtaṃ vīra hṛṣṭapuṣṭam anuttamam / (5.1)
Par.?
sambhāṣya saṃpradānena rañjayasva narottama // (5.2)
Par.?
na hyarthāstatra tiṣṭhanti na dārā na ca bāndhavāḥ / (6.1)
Par.?
suprīto bhṛtyavargastu yatra tiṣṭhati rāghava // (6.2)
Par.?
ato hṛṣṭajanākīrṇāṃ prasthāpya mahatīṃ camūm / (7.1)
Par.?
eka eva dhanuṣpāṇistad gaccha tvaṃ madhor vanam // (7.2)
Par.?
yathā tvāṃ na prajānāti gacchantaṃ yuddhakāṅkṣiṇam / (8.1)
Par.?
lavaṇastu madhoḥ putrastathā gaccher aśaṅkitaḥ // (8.2)
Par.?
na tasya mṛtyur anyo 'sti kaściddhi puruṣarṣabha / (9.1)
Par.?
darśanaṃ yo 'bhigaccheta sa vadhyo lavaṇena hi // (9.2)
Par.?
sa grīṣme vyapayāte tu varṣarātra upasthite / (10.1)
Par.?
hanyāstvaṃ lavaṇaṃ saumya sa hi kālo 'sya durmateḥ // (10.2)
Par.?
maharṣīṃstu puraskṛtya prayāntu tava sainikāḥ / (11.1)
Par.?
yathā grīṣmāvaśeṣeṇa tareyur jāhnavījalam // (11.2)
Par.?
tataḥ sthāpya balaṃ sarvaṃ nadītīre samāhitaḥ / (12.1)
Par.?
agrato dhanuṣā sārdhaṃ gaccha tvaṃ laghuvikrama // (12.2)
Par.?
evam uktastu rāmeṇa śatrughnastān mahābalān / (13.1)
Par.?
senāmukhyān samānīya tato vākyam uvāca ha // (13.2)
Par.?
ete vo gaṇitā vāsā yatra yatra nivatsyatha / (14.1)
Par.?
sthātavyaṃ cāvirodhena yathā bādhā na kasyacit // (14.2)
Par.?
tathā tāṃstu samājñāpya niryāpya ca mahad balam / (15.1)
Par.?
kausalyāṃ ca sumitrāṃ ca kaikeyīṃ cābhyavādayat // (15.2)
Par.?
rāmaṃ pradakṣiṇaṃ kṛtvā śirasābhipraṇamya ca / (16.1)
Par.?
rāmeṇa cābhyanujñātaḥ śatrughnaḥ śatrutāpanaḥ // (16.2)
Par.?
lakṣmaṇaṃ bharataṃ caiva praṇipatya kṛtāñjaliḥ / (17.1)
Par.?
purodhasaṃ vasiṣṭhaṃ ca śatrughnaḥ prayatātmavān / (17.2)
Par.?
pradakṣiṇam atho kṛtvā nirjagāma mahābalaḥ // (17.3)
Par.?
Duration=0.10350108146667 secs.