Texts

yām eva rātriṃ śatrughnaḥ parṇaśālāṃ samāviśat / (1.1) Par.?

tām eva rātriṃ sītāpi prasūtā dārakadvayam // (1.2) Par.?

tato 'rdharātrasamaye bālakā munidārakāḥ / (2.1) Par.?

vālmīkeḥ priyam ācakhyuḥ sītāyāḥ prasavaṃ śubham / (2.2) Par.?

tasya rakṣāṃ mahātejaḥ kuru bhūtavināśinīm // (2.3) Par.?

teṣāṃ tad vacanaṃ śrutvā munir harṣam upāgamat / (3.1) Par.?

bhūtaghnīṃ cākarot tābhyāṃ rakṣāṃ rakṣovināśinīm // (3.2) Par.?

kuśamuṣṭim upādāya lavaṃ caiva tu sa dvijaḥ / (4.1) Par.?

vālmīkiḥ pradadau tābhyāṃ rakṣāṃ bhūtavināśinīm // (4.2) Par.?

yastayoḥ pūrvajo jātaḥ sa kuśair mantrasaṃskṛtaiḥ / (5.1) Par.?

nirmārjanīyastu bhavet kuśa ityasya nāmataḥ // (5.2) Par.?

yaścāparo bhavet tābhyāṃ lavena susamāhitaḥ / (6.1) Par.?

nirmārjanīyo vṛddhābhir lavaśceti sa nāmataḥ // (6.2) Par.?

evaṃ kuśalavau nāmnā tāvubhau yamajātakau / (7.1) Par.?

matkṛtābhyāṃ ca nāmabhyāṃ khyātiyuktau bhaviṣyataḥ // (7.2) Par.?

te rakṣāṃ jagṛhustāṃ ca munihastāt samāhitāḥ / (8.1) Par.?

akurvaṃśca tato rakṣāṃ tayor vigatakalmaṣāḥ // (8.2) Par.?

tathā tāṃ kriyamāṇāṃ tu rakṣāṃ gotraṃ ca nāma ca / (9.1) Par.?

saṃkīrtanaṃ ca rāmasya sītāyāḥ prasavau śubhau // (9.2) Par.?

ardharātre tu śatrughnaḥ śuśrāva sumahat priyam / (10.1) Par.?

parṇaśālāṃ gato rātrau diṣṭyā diṣṭyeti cābravīt // (10.2) Par.?

tathā tasya prahṛṣṭasya śatrughnasya mahātmanaḥ / (11.1) Par.?

vyatītā vārṣikī rātriḥ śrāvaṇī laghuvikramā // (11.2) Par.?

prabhāte tu mahāvīryaḥ kṛtvā paurvāhṇikaṃ kramam / (12.1) Par.?

muniṃ prāñjalir āmantrya prāyāt paścānmukhaḥ punaḥ // (12.2) Par.?

sa gatvā yamunātīraṃ saptarātroṣitaḥ pathi / (13.1) Par.?

ṛṣīṇāṃ puṇyakīrtīnām āśrame vāsam abhyayāt // (13.2) Par.?

sa tatra munibhiḥ sārdhaṃ bhārgavapramukhair nṛpaḥ / (14.1) Par.?

kathābhir bahurūpābhir vāsaṃ cakre mahāyaśāḥ // (14.2) Par.?