UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5091
- Click on a sentence to show its analysis
- Keep the mouse pointer over a lemma to show its meanings.
vālmīkinaivam uktastu rāghavaḥ pratyabhāṣata / (1.1)
Par.?
prāñjalir jagato madhye dṛṣṭvā tāṃ devavarṇinīm // (1.2)
Par.?
evam etanmahābhāga yathā vadasi dharmavit / (2.1)
Par.?
pratyayo hi mama brahmaṃstava vākyair akalmaṣaiḥ // (2.2)
Par.?
pratyayo hi purā datto vaidehyā surasaṃnidhau / (3.1) Par.?
seyaṃ lokabhayād brahmann apāpetyabhijānatā / (3.2)
Par.?
parityaktā mayā sītā tad bhavān kṣantum arhati // (3.3)
Par.?
jānāmi cemau putrau me yamajātau kuśīlavau / (4.1)
Par.?
śuddhāyāṃ jagato madhye maithilyāṃ prītir astu me // (4.2)
Par.?
abhiprāyaṃ tu vijñāya rāmasya surasattamāḥ / (5.1)
Par.?
pitāmahaṃ puraskṛtya sarva eva samāgatāḥ // (5.2)
Par.?
ādityā vasavo rudrā viśve devā marudgaṇāḥ / (6.1)
Par.?
aśvināv ṛṣigandharvā apsarāṇāṃ gaṇāstathā / (6.2)
Par.?
sādhyāśca devāḥ sarve te sarve ca paramarṣayaḥ // (6.3)
Par.?
tato vāyuḥ śubhaḥ puṇyo divyagandho manoramaḥ / (7.1)
Par.?
taṃ janaughaṃ suraśreṣṭho hlādayāmāsa sarvataḥ // (7.2)
Par.?
tad adbhutam ivācintyaṃ nirīkṣante samāhitāḥ / (8.1)
Par.?
mānavāḥ sarvarāṣṭrebhyaḥ pūrvaṃ kṛtayuge yathā // (8.2)
Par.?
sarvān samāgatān dṛṣṭvā sītā kāṣāyavāsinī / (9.1)
Par.?
abravīt prāñjalir vākyam adhodṛṣṭir avāṅmukhī // (9.2)
Par.?
yathāhaṃ rāghavād anyaṃ manasāpi na cintaye / (10.1)
Par.?
tathā me mādhavī devī vivaraṃ dātum arhati // (10.2)
Par.?
tathā śapantyāṃ vaidehyāṃ prādurāsīt tad adbhutam / (11.1)
Par.?
bhūtalād utthitaṃ divyaṃ siṃhāsanam anuttamam // (11.2)
Par.?
dhriyamāṇaṃ śirobhistannāgair amitavikramaiḥ / (12.1)
Par.?
divyaṃ divyena vapuṣā sarvaratnavibhūṣitam // (12.2)
Par.?
tasmiṃstu dharaṇī devī bāhubhyāṃ gṛhya maithilīm / (13.1)
Par.?
svāgatenābhinandyainām āsane copaveśayat // (13.2)
Par.?
tām āsanagatāṃ dṛṣṭvā praviśantīṃ rasātalam / (14.1)
Par.?
puṇyavṛṣṭir avicchinnā divyā sītām avākirat // (14.2)
Par.?
sādhukāraśca sumahān devānāṃ sahasotthitaḥ / (15.1)
Par.?
sādhu sādhviti vai sīte yasyāste śīlam īdṛśam // (15.2)
Par.?
evaṃ bahuvidhā vāco hyantarikṣagatāḥ surāḥ / (16.1)
Par.?
vyājahrur hṛṣṭamanaso dṛṣṭvā sītāpraveśanam // (16.2)
Par.?
yajñavāṭagatāś cāpi munayaḥ sarva eva te / (17.1)
Par.?
rājānaśca naravyāghrā vismayānnoparemire // (17.2)
Par.?
antarikṣe ca bhūmau ca sarve sthāvarajaṅgamāḥ / (18.1)
Par.?
dānavāśca mahākāyāḥ pātāle pannagādhipāḥ // (18.2)
Par.?
kecid vineduḥ saṃhṛṣṭāḥ kecid dhyānaparāyaṇāḥ / (19.1)
Par.?
kecid rāmaṃ nirīkṣante kecit sītām acetanāḥ // (19.2)
Par.?
sītāpraveśanaṃ dṛṣṭvā teṣām āsīt samāgamaḥ / (20.1)
Par.?
taṃ muhūrtam ivātyarthaṃ sarvaṃ saṃmohitaṃ jagat // (20.2)
Par.?
Duration=0.084819793701172 secs.