Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 1729
  • Click on a sentence to show its analysis
  • Keep the mouse pointer over a lemma to show its meanings.
dehadhātupratyanīkabhūtānīti dehadhātūnāṃ rasādīnāṃ vātādīnāṃ ca prakṛtisthānāṃ pratyanīkasvarūpāṇi // (1) Par.?
virodhamāpadyanta iti dehadhātūnāṃ virodhamācaranti dūṣayantīti yāvat // (2) Par.?
yathābhūtāni dravyāṇi dehadhātubhirvirodhamāpadyante tadāha parasparaviruddhāni kānicid ityādi // (3) Par.?
tatra parasparaguṇaviruddhāni yathā na matsyān payasābhyavaharet ubhayaṃ hy etad ityādinoktāni // (4) Par.?
saṃyogaviruddhaṃ yathā tadeva nikucaṃ pakvaṃ na māṣa ityādinoktaṃ yat saṃskārādiviruddhaguṇakathanaṃ vinā sāhityamātreṇa viruddham ucyate tat saṃyogaviruddham // (5) Par.?
matsyapayasos tu yadyapi sahopayogo viruddhatvenoktaḥ tathāpyasau guṇaviruddhatvena kathita iti guṇavirodhakasyaivodāharaṇam / (6.1) Par.?
virodhaśca viruddhaguṇatve satyapi kvacid eva dravyaprabhāvād bhavati tena ṣaḍrasāhāropayoge madhurāmlayor viruddhaśītoṣṇavīryayor virodho nodbhāvanīyaḥ // (6.2) Par.?
saṃskārato viruddhaṃ yathā na kapotān sarṣapatailabhṛṣṭān ityādi // (7) Par.?
deśo dvividhaḥ bhūmiḥ śarīraṃ ca // (8) Par.?
tatra bhūmiviruddhaṃ yathā tadeva bhasmapāṃśuparidhvastam kiṃvā yat kiṃcidagocarabhṛtaṃ taddeśaviruddhaṃ śarīraviruddhaṃ yathā uṣṇārtasya madhu maraṇāya // (9) Par.?
kālaviruddhaṃ yathā paryuṣitā kākamācī maraṇāya // (10) Par.?
mātrāviruddhaṃ yathā samadhṛte madhusarpiṣī maraṇāya // (11) Par.?
ādigrahaṇāddoṣaprakṛtyādiviruddhānāṃ grahaṇam // (12) Par.?
svabhāvaviruddhaṃ yathā viṣam // (13) Par.?
Duration=0.10488891601562 secs.