Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2645

Click on a sentence to show its analysis
Keep the mouse pointer over a lemma to show its meanings.

visargadharmaṃ nirdiśati visarge punarityādi // (1) Par.?

yadyapi cādānamādau paṭhitaṃ tathāpi pratilomatantrayuktyādau visargaguṇakathanaṃ yadi vā prathamamādānasyottarāyaṇarūpasya praśastatvādagre'bhidhānam iha tu visargasya balajanakatvenābhipretatvādagre 'bhidhānam // (2) Par.?

nātirūkṣā iti saumyavisargakālasambandhena mandīkṛtaraukṣyāḥ pravāntīti // (3) Par.?

itare punarādāna iti apraśāntātirūkṣāśca āgneyādānasambandhāhitarūkṣatvāt // (4) Par.?

somaścetyādi prakṛtena visargeṇa sambadhyate // (5) Par.?

avyāhatabala iti kālamārgameghavātādibhistadā sūryasya somaparipanthino hatabalatvāt // (6) Par.?

śiśirābhiḥ śītābhiḥ // (7) Par.?

śaśvaditi chedaḥ // (8) Par.?

saumyaḥ somaguṇapradhānaḥ // (9) Par.?

āgneyam agniguṇapradhānam apratihatabalatvenetyarthaḥ // (10) Par.?

nanvetāvataivādityacandravātānāṃ balavattvamabalavattvaṃ ca kathaṃ bhavatītyāha tāvetāvityādi // (11) Par.?

kālo devatārūpaḥ sa ca nityarūpo'pi prāṇināmadṛṣṭena nānārūpeṇa gṛhītaḥ san kadācit sūryabalavāyubalasomabalādīn karoti svabhāvaḥ sūryasya saumyāṃśakṣayakartṛtvādir vāyor virūkṣaṇādiḥ somasyāpyāyanādiḥ mārgo dakṣiṇa uttaraśca tatra dakṣiṇaḥ karkaṭādayo dhanurantāḥ makarādiruttaraḥ // (12) Par.?

ete ca kālasvabhāvamārgaparigrahā yathāsambhavaṃ boddhavyāḥ na hi some mārgaparigrahaḥ kiṃcid viśeṣamāvahati vāyośca mārgaparigraha eva nāsti // (13) Par.?

parigṛhītāḥ sambaddhāḥ // (14) Par.?

kālartvādīnāṃ nirvṛtipratyayabhūtā niṣpattikāraṇabhūtāḥ upadiśyante ācāryaiḥ iti śeṣaḥ kālaḥ saṃvatsaro'yanadvayaṃ ca ṛtavaḥ śiśirādayaḥ dehasya balaṃ dehabalam // (15) Par.?

anye tu bruvate saṃvatsarasyāyanadvayasya ca ṛtumelakarūpatvād ṛtugrahaṇe naiva grahaṇaṃ labdhaṃ tena kālagrahaṇaviśeṣaṇaṃ tena kālarūpaḥ ṛturiti strīṇāmevārtavadarśanaṃ yadṛtustadvyāvartyate // (16) Par.?

pratyayabhūtā ityatra bhūtaśabda upamāne // (17) Par.?

kecid vyākhyānayanti arkavāyū ityekatayā paṭhitvā somaśca iti yat pṛthak paṭhati tenārkvāyvor militayor ādānaṃ prati kāraṇatvaṃ visargaṃ prati pṛthageva somasya kāraṇatvamiti darśayati // (18) Par.?

evaṃ balaharaṇabalakaraṇādiṣvapi boddhavyam // (19) Par.?

Duration=0.070050954818726 secs.