Texts

sāmānyajā iti vātādibhiḥ pratyekaṃ militaiśca ye janyante // (1) Par.?

nānātmajā iti ye vātādibhir doṣāntarāsaṃpṛktair janyante // (2) Par.?

vipādikā pāṇipādasphuṭanam // (3) Par.?

pādabhraṃśaḥ pādasyāropaviṣayadeśādanyatra patanam // (4) Par.?

suptiḥ pādayorniṣkriyatvaṃ sparśājñatā vā // (5) Par.?

vātakhuḍḍatā cāluka iti prasiddhaḥ // (6) Par.?

gṛdhrasīśabdena gṛdhrasīśūlaṃ gṛhyate // (7) Par.?

ūrustambhena ca ūrustambhanamātraṃ vātajanyatvena gṛhyate // (8) Par.?

evaṃ karṇākṣiśūlayoḥ śūlamātram // (9) Par.?

vātajātīsāre'pi viḍbhedo vātajaḥ // (10) Par.?

evaṃ ca na gṛdhrasyādīnāṃ sāmānyajatvaṃ yathoktāṃśasya kevalavātajanyatvāt // (11) Par.?

udarasyāveṣṭanam ivodarāveṣṭaḥ // (12) Par.?

aśabdaśravaṇaṃ śabdābhāve'pi śabdaśravaṇam // (13) Par.?

uccaiḥśrutiḥ tārasvaramātraśravaṇam alpaśabdasya tu sarvathaivāśravaṇam // (14) Par.?

bādhiryaṃ śabdamātrasyaivāśravaṇam // (15) Par.?

timiraṃ tu vātajameva doṣāntarasambandhastatrānubandharūpaḥ // (16) Par.?

ekāṅgarogaḥ sarvāṅgarogaśceti jvarādiṣu uṣṇatvaśītatvādīnāṃ kadācid ekāṅgavyāpakatvenaikāṅgarogaḥ teṣāmeva kadācit sarvāṅgavyāpakatvena sarvāṅgarogaḥ doṣāntarasambandhe'pi vyādhyavyāptī vātakṛte eva vāyunā yatra nīyante tatra varṣanti meghavat iti vacanāt // (17) Par.?

tathā bhramaśca vātikaḥ smṛtimoharūpaḥ // (18) Par.?

atra kasyacidaṅgasya pādādeḥ śūlādayo'bhihitā na hastādīnāṃ tatra ye'bhihitāste pradhānabhūtāḥ prāyobhāvitvena anuktāstu vātavikārāṇām aparisaṃkhyeyatvena grāhyāḥ // (19) Par.?