Texts

vaiśaṃpāyana uvāca / (1.1) Par.?

pitāmahaṃ guruṃ caiva pratyudgamya yudhiṣṭhiraḥ / (1.2) Par.?

abhivādya tato rājann idaṃ vacanam abravīt / (1.3) Par.?

bhīṣmaṃ droṇaṃ kṛpaṃ drauṇiṃ duryodhanaviviṃśatī // (1.4) Par.?

asmin yajñe bhavanto mām anugṛhṇantu sarvaśaḥ / (2.1) Par.?

idaṃ vaḥ svam ahaṃ caiva yad ihāsti dhanaṃ mama / (2.2) Par.?

prīṇayantu bhavanto māṃ yatheṣṭam aniyantritāḥ // (2.3) Par.?

evam uktvā sa tān sarvān dīkṣitaḥ pāṇḍavāgrajaḥ / (3.1) Par.?

yuyoja ha yathāyogam adhikāreṣvanantaram // (3.2) Par.?

bhakṣyabhojyādhikāreṣu duḥśāsanam ayojayat / (4.1) Par.?

parigrahe brāhmaṇānām aśvatthāmānam uktavān // (4.2) Par.?

rājñāṃ tu pratipūjārthaṃ saṃjayaṃ saṃnyayojayat / (5.1) Par.?

kṛtākṛtaparijñāne bhīṣmadroṇau mahāmatī // (5.2) Par.?

hiraṇyasya suvarṇasya ratnānāṃ cānvavekṣaṇe / (6.1) Par.?

dakṣiṇānāṃ ca vai dāne kṛpaṃ rājā nyayojayat / (6.2) Par.?

tathānyān puruṣavyāghrāṃstasmiṃstasminnyayojayat // (6.3) Par.?

bāhliko dhṛtarāṣṭraśca somadatto jayadrathaḥ / (7.1) Par.?

nakulena samānītāḥ svāmivat tatra remire // (7.2) Par.?

kṣattā vyayakarastvāsīd viduraḥ sarvadharmavit / (8.1) Par.?

duryodhanastvarhaṇāni pratijagrāha sarvaśaḥ // (8.2) Par.?

sarvalokaḥ samāvṛttaḥ piprīṣuḥ phalam uttamam / (9.1) Par.?

draṣṭukāmaḥ sabhāṃ caiva dharmarājaṃ ca pāṇḍavam // (9.2) Par.?

na kaścid āharat tatra sahasrāvaram arhaṇam / (10.1) Par.?

ratnaiśca bahubhistatra dharmarājam avardhayan // (10.2) Par.?

kathaṃ nu mama kauravyo ratnadānaiḥ samāpnuyāt / (11.1) Par.?

yajñam ityeva rājānaḥ spardhamānā dadur dhanam // (11.2) Par.?

bhavanaiḥ savimānāgraiḥ sodarkair balasaṃvṛtaiḥ / (12.1) Par.?

lokarājavimānaiśca brāhmaṇāvasathaiḥ saha // (12.2) Par.?

kṛtair āvasathair divyair vimānapratimaistathā / (13.1) Par.?

vicitrai ratnavadbhiśca ṛddhyā paramayā yutaiḥ // (13.2) Par.?

rājabhiśca samāvṛttair atīvaśrīsamṛddhibhiḥ / (14.1) Par.?

aśobhata sado rājan kaunteyasya mahātmanaḥ // (14.2) Par.?

ṛddhyā ca varuṇaṃ devaṃ spardhamāno yudhiṣṭhiraḥ / (15.1) Par.?

ṣaḍagninātha yajñena so 'yajad dakṣiṇāvatā / (15.2) Par.?

sarvāñ janān sarvakāmaiḥ samṛddhaiḥ samatarpayat // (15.3) Par.?

annavān bahubhakṣyaśca bhuktavajjanasaṃvṛtaḥ / (16.1) Par.?

ratnopahārakarmaṇyo babhūva sa samāgamaḥ // (16.2) Par.?

iḍājyahomāhutibhir mantraśikṣāsamanvitaiḥ / (17.1) Par.?

tasmin hi tatṛpur devāstate yajñe maharṣibhiḥ // (17.2) Par.?

yathā devāstathā viprā dakṣiṇānnamahādhanaiḥ / (18.1) Par.?

tatṛpuḥ sarvavarṇāśca tasmin yajñe mudānvitāḥ // (18.2) Par.?