Texts

bṛhadaśva uvāca / (1.1) Par.?

atha tāṃ vyuṣito rātriṃ nalo rājā svalaṃkṛtaḥ / (1.2) Par.?

vaidarbhyā sahitaḥ kālyaṃ dadarśa vasudhādhipam // (1.3) Par.?

tato 'bhivādayāmāsa prayataḥ śvaśuraṃ nalaḥ / (2.1) Par.?

tasyānu damayantī ca vavande pitaraṃ śubhā // (2.2) Par.?

taṃ bhīmaḥ pratijagrāha putravat parayā mudā / (3.1) Par.?

yathārhaṃ pūjayitvā tu samāśvāsayata prabhuḥ / (3.2) Par.?

nalena sahitāṃ tatra damayantīṃ pativratām // (3.3) Par.?

tām arhaṇāṃ nalo rājā pratigṛhya yathāvidhi / (4.1) Par.?

paricaryāṃ svakāṃ tasmai yathāvat pratyavedayat // (4.2) Par.?

tato babhūva nagare sumahān harṣanisvanaḥ / (5.1) Par.?

janasya samprahṛṣṭasya nalaṃ dṛṣṭvā tathāgatam // (5.2) Par.?

aśobhayacca nagaraṃ patākādhvajamālinam / (6.1) Par.?

siktasaṃmṛṣṭapuṣpāḍhyā rājamārgāḥ kṛtās tadā // (6.2) Par.?

dvāri dvāri ca paurāṇāṃ puṣpabhaṅgaḥ prakalpitaḥ / (7.1) Par.?

arcitāni ca sarvāṇi devatāyatanāni ca // (7.2) Par.?

ṛtuparṇo 'pi śuśrāva bāhukacchadminaṃ nalam / (8.1) Par.?

damayantyā samāyuktaṃ jahṛṣe ca narādhipaḥ // (8.2) Par.?

tam ānāyya nalo rājā kṣamayāmāsa pārthivam / (9.1) Par.?

sa ca taṃ kṣamayāmāsa hetubhir buddhisaṃmataḥ // (9.2) Par.?

sa satkṛto mahīpālo naiṣadhaṃ vismayānvitaḥ / (10.1) Par.?

diṣṭyā sameto dāraiḥ svair bhavān ityabhyanandata // (10.2) Par.?

kaccit tu nāparādhaṃ te kṛtavān asmi naiṣadha / (11.1) Par.?

ajñātavāsaṃ vasato madgṛhe niṣadhādhipa // (11.2) Par.?

yadi vā buddhipūrvāṇi yadyabuddhāni kānicit / (12.1) Par.?

mayā kṛtānyakāryāṇi tāni me kṣantum arhasi // (12.2) Par.?

nala uvāca / (13.1) Par.?

na me 'parādhaṃ kṛtavāṃs tvaṃ svalpam api pārthiva / (13.2) Par.?

kṛte 'pi ca na me kopaḥ kṣantavyaṃ hi mayā tava // (13.3) Par.?

pūrvaṃ hyasi sakhā me 'si sambandhī ca narādhipa / (14.1) Par.?

ata ūrdhvaṃ tu bhūyas tvaṃ prītim āhartum arhasi // (14.2) Par.?

sarvakāmaiḥ suvihitaḥ sukham asmy uṣitastvayi / (15.1) Par.?

na tathā svagṛhe rājan yathā tava gṛhe sadā // (15.2) Par.?

idaṃ caiva hayajñānaṃ tvadīyaṃ mayi tiṣṭhati / (16.1) Par.?

tad upākartum icchāmi manyase yadi pārthiva // (16.2) Par.?

bṛhadaśva uvāca / (17.1) Par.?

evam uktvā dadau vidyām ṛtuparṇāya naiṣadhaḥ / (17.2) Par.?

sa ca tāṃ pratijagrāha vidhidṛṣṭena karmaṇā // (17.3) Par.?

tato gṛhyāśvahṛdayaṃ tadā bhāṅgasvarir nṛpaḥ / (18.1) Par.?

sūtam anyam upādāya yayau svapuram eva hi // (18.2) Par.?

ṛtuparṇe pratigate nalo rājā viśāṃ pate / (19.1) Par.?

nagare kuṇḍine kālaṃ nātidīrgham ivāvasat // (19.2) Par.?