UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8032
- Click on a sentence to show its analysis
- Keep the mouse pointer over a lemma to show its meanings.
bhagavān uvāca / (1.1)
Par.?
evam etanmahābāho yathā vadasi pāṇḍava / (1.2)
Par.?
sarvaṃ tvidaṃ samāyattaṃ bībhatso karmaṇor dvayoḥ // (1.3)
Par.?
kṣetraṃ hi rasavacchuddhaṃ karṣakeṇopapāditam / (2.1)
Par.?
ṛte varṣaṃ na kaunteya jātu nirvartayet phalam // (2.2)
Par.?
tatra vai pauruṣaṃ brūyur āsekaṃ yatnakāritam / (3.1)
Par.?
tatra cāpi dhruvaṃ paśyecchoṣaṇaṃ daivakāritam // (3.2)
Par.?
tad idaṃ niścitaṃ buddhyā pūrvair api mahātmabhiḥ / (4.1)
Par.?
daive ca mānuṣe caiva saṃyuktaṃ lokakāraṇam // (4.2)
Par.?
ahaṃ hi tat kariṣyāmi paraṃ puruṣakārataḥ / (5.1)
Par.?
daivaṃ tu na mayā śakyaṃ karma kartuṃ kathaṃcana // (5.2)
Par.?
sa hi dharmaṃ ca satyaṃ ca tyaktvā carati durmatiḥ / (6.1)
Par.?
na hi saṃtapyate tena tathārūpeṇa karmaṇā // (6.2)
Par.?
tāṃ cāpi buddhiṃ pāpiṣṭhāṃ vardhayantyasya mantriṇaḥ / (7.1)
Par.?
śakuniḥ sūtaputraśca bhrātā duḥśāsanastathā // (7.2)
Par.?
sa hi tyāgena rājyasya na śamaṃ samupeṣyati / (8.1)
Par.?
antareṇa vadhāt pārtha sānubandhaḥ suyodhanaḥ // (8.2)
Par.?
na cāpi praṇipātena tyaktum icchati dharmarāṭ / (9.1)
Par.?
yācyamānastu rājyaṃ sa na pradāsyati durmatiḥ // (9.2)
Par.?
na tu manye sa tad vācyo yad yudhiṣṭhiraśāsanam / (10.1)
Par.?
uktaṃ prayojanaṃ tatra dharmarājena bhārata // (10.2)
Par.?
tathā pāpastu tat sarvaṃ na kariṣyati kauravaḥ / (11.1)
Par.?
tasmiṃścākriyamāṇe 'sau lokavadhyo bhaviṣyati // (11.2)
Par.?
mama cāpi sa vadhyo vai jagataścāpi bhārata / (12.1)
Par.?
yena kaumārake yūyaṃ sarve viprakṛtāstathā // (12.2)
Par.?
vipraluptaṃ ca vo rājyaṃ nṛśaṃsena durātmanā / (13.1)
Par.?
na copaśāmyate pāpaḥ śriyaṃ dṛṣṭvā yudhiṣṭhire // (13.2)
Par.?
asakṛccāpyahaṃ tena tvatkṛte pārtha bheditaḥ / (14.1)
Par.?
na mayā tad gṛhītaṃ ca pāpaṃ tasya cikīrṣitam // (14.2)
Par.?
jānāsi hi mahābāho tvam apyasya paraṃ matam / (15.1)
Par.?
priyaṃ cikīrṣamāṇaṃ ca dharmarājasya mām api // (15.2)
Par.?
sa jānaṃstasya cātmānaṃ mama caiva paraṃ matam / (16.1)
Par.?
ajānann iva cākasmād arjunādyābhiśaṅkase // (16.2) Par.?
yaccāpi paramaṃ divyaṃ taccāpyavagataṃ tvayā / (17.1)
Par.?
vidhānavihitaṃ pārtha kathaṃ śarma bhavet paraiḥ // (17.2)
Par.?
yat tu vācā mayā śakyaṃ karmaṇā cāpi pāṇḍava / (18.1)
Par.?
kariṣye tad ahaṃ pārtha na tvāśaṃse śamaṃ paraiḥ // (18.2)
Par.?
kathaṃ goharaṇe brūyād icchañ śarma tathāvidham / (19.1)
Par.?
yācyamāno 'pi bhīṣmeṇa saṃvatsaragate 'dhvani // (19.2)
Par.?
tadaiva te parābhūtā yadā saṃkalpitāstvayā / (20.1)
Par.?
lavaśaḥ kṣaṇaśaścāpi na ca tuṣṭaḥ suyodhanaḥ // (20.2)
Par.?
sarvathā tu mayā kāryaṃ dharmarājasya śāsanam / (21.1)
Par.?
vibhāvyaṃ tasya bhūyaśca karma pāpaṃ durātmanaḥ // (21.2)
Par.?
Duration=0.092550992965698 secs.