Texts

bhīṣma uvāca / (1.1) Par.?

samāgatasya rāmeṇa punar evātidāruṇam / (1.2) Par.?

anyedyustumulaṃ yuddhaṃ tadā bharatasattama // (1.3) Par.?

tato divyāstravicchūro divyānyastrāṇyanekaśaḥ / (2.1) Par.?

ayojayata dharmātmā divase divase vibhuḥ // (2.2) Par.?

tānyahaṃ tatpratīghātair astrair astrāṇi bhārata / (3.1) Par.?

vyadhamaṃ tumule yuddhe prāṇāṃstyaktvā sudustyajān // (3.2) Par.?

astrair astreṣu bahudhā hateṣvatha ca bhārgavaḥ / (4.1) Par.?

akrudhyata mahātejāstyaktaprāṇaḥ sa saṃyuge // (4.2) Par.?

tataḥ śaktiṃ prāhiṇod ghorarūpām astrai ruddho jāmadagnyo mahātmā / (5.1) Par.?

kālotsṛṣṭāṃ prajvalitām ivolkāṃ saṃdīptāgrāṃ tejasāvṛtya lokān // (5.2) Par.?

tato 'haṃ tām iṣubhir dīpyamānaiḥ samāyāntīm antakālārkadīptām / (6.1) Par.?

chittvā tridhā pātayāmāsa bhūmau tato vavau pavanaḥ puṇyagandhiḥ // (6.2) Par.?

tasyāṃ chinnāyāṃ krodhadīpto 'tha rāmaḥ śaktīr ghorāḥ prāhiṇod dvādaśānyāḥ / (7.1) Par.?

tāsāṃ rūpaṃ bhārata nota śakyaṃ tejasvitvāl lāghavāccaiva vaktum // (7.2) Par.?

kiṃtvevāhaṃ vihvalaḥ sampradṛśya digbhyaḥ sarvāstā maholkā ivāgneḥ / (8.1) Par.?

nānārūpāstejasogreṇa dīptā yathādityā dvādaśa lokasaṃkṣaye // (8.2) Par.?

tato jālaṃ bāṇamayaṃ vivṛtya saṃdṛśya bhittvā śarajālena rājan / (9.1) Par.?

dvādaśeṣūn prāhiṇavaṃ raṇe 'haṃ tataḥ śaktīr vyadhamaṃ ghorarūpāḥ // (9.2) Par.?

tato 'parā jāmadagnyo mahātmā śaktīr ghorāḥ prākṣipaddhemadaṇḍāḥ / (10.1) Par.?

vicitritāḥ kāñcanapaṭṭanaddhā yathā maholkā jvalitāstathā tāḥ // (10.2) Par.?

tāścāpyugrāścarmaṇā vārayitvā khaḍgenājau pātitā me narendra / (11.1) Par.?

bāṇair divyair jāmadagnyasya saṃkhye divyāṃścāśvān abhyavarṣaṃ sasūtān // (11.2) Par.?

nirmuktānāṃ pannagānāṃ sarūpā dṛṣṭvā śaktīr hemacitrā nikṛttāḥ / (12.1) Par.?

prāduścakre divyam astraṃ mahātmā krodhāviṣṭo haihayeśapramāthī // (12.2) Par.?

tataḥ śreṇyaḥ śalabhānām ivogrāḥ samāpetur viśikhānāṃ pradīptāḥ / (13.1) Par.?

samācinoccāpi bhṛśaṃ śarīraṃ hayān sūtaṃ sarathaṃ caiva mahyam // (13.2) Par.?

rathaḥ śarair me nicitaḥ sarvato 'bhūt tathā hayāḥ sārathiścaiva rājan / (14.1) Par.?

yugaṃ ratheṣā ca tathaiva cakre tathaivākṣaḥ śarakṛtto 'tha bhagnaḥ // (14.2) Par.?

tatastasmin bāṇavarṣe vyatīte śaraugheṇa pratyavarṣaṃ guruṃ tam / (15.1) Par.?

sa vikṣato mārgaṇair brahmarāśir dehād ajasraṃ mumuce bhūri raktam // (15.2) Par.?

yathā rāmo bāṇajālābhitaptas tathaivāhaṃ subhṛśaṃ gāḍhaviddhaḥ / (16.1) Par.?

tato yuddhaṃ vyaramaccāparāhṇe bhānāvastaṃ prārthayāne mahīdhram // (16.2) Par.?