Texts

Help

Select a text:
Bibliography

Select a chapter:
(no revisions)

Associated topic(s): war

Show parallels Show headlines
Use dependency labeler

Chapter id: 7850

Click on a sentence to show its analysis
Keep the mouse pointer over a lemma to show its meanings.

saṃjaya uvāca / (1.1) Par.?

śaravikṣatagātrastu pratyamitram avasthitam / (1.2) Par.?

abhimanyuḥ smayan dhīmān duḥśāsanam athābravīt // (1.3) Par.?

diṣṭyā paśyāmi saṃgrāme māninaṃ śatrum āgatam / (2.1) Par.?

niṣṭhuraṃ tyaktadharmāṇam ākrośanaparāyaṇam // (2.2) Par.?

yat sabhāyāṃ tvayā rājño dhṛtarāṣṭrasya śṛṇvataḥ / (3.1) Par.?

kopitaḥ paruṣair vākyair dharmarājo yudhiṣṭhiraḥ / (3.2) Par.?

jayonmattena bhīmaśca bahvabaddhaṃ prabhāṣatā // (3.3) Par.?

paravittāpahārasya krodhasyāpraśamasya ca / (4.1) Par.?

lobhasya jñānanāśasya drohasyātyāhitasya ca // (4.2) Par.?

pitṝṇāṃ mama rājyasya haraṇasyogradhanvinām / (5.1) Par.?

tat tvām idam anuprāptaṃ tat kopād vai mahātmanām // (5.2) Par.?

sadyaścogram adharmasya phalaṃ prāpnuhi durmate / (6.1) Par.?

śāsitāsmyadya te bāṇaiḥ sarvasainyasya paśyataḥ // (6.2) Par.?

adyāham anṛṇastasya kopasya bhavitā raṇe / (7.1) Par.?

amarṣitāyāḥ kṛṣṇāyāḥ kāṅkṣitasya ca me pituḥ // (7.2) Par.?

adya kauravya bhīmasya bhavitāsmyanṛṇo yudhi / (8.1) Par.?

na hi me mokṣyase jīvan yadi notsṛjase raṇam // (8.2) Par.?

evam uktvā mahābāhur bāṇaṃ duḥśāsanāntakam / (9.1) Par.?

saṃdadhe paravīraghnaḥ kālāgnyanilavarcasam // (9.2) Par.?

tasyorastūrṇam āsādya jatrudeśe vibhidya tam / (10.1) Par.?

athainaṃ pañcaviṃśatyā punaścaiva samarpayat // (10.2) Par.?

sa gāḍhaviddho vyathito rathopastha upāviśat / (11.1) Par.?

duḥśāsano mahārāja kaśmalaṃ cāviśanmahat // (11.2) Par.?

sārathistvaramāṇastu duḥśāsanam acetasam / (12.1) Par.?

raṇamadhyād apovāha saubhadraśarapīḍitam // (12.2) Par.?

pāṇḍavā draupadeyāśca virāṭaśca samīkṣya tam / (13.1) Par.?

pāñcālāḥ kekayāścaiva siṃhanādam athānadan // (13.2) Par.?

vāditrāṇi ca sarvāṇi nānāliṅgāni sarvaśaḥ / (14.1) Par.?

prāvādayanta saṃhṛṣṭāḥ pāṇḍūnāṃ tatra sainikāḥ // (14.2) Par.?

paśyantaḥ smayamānāśca saubhadrasya viceṣṭitam / (15.1) Par.?

atyantavairiṇaṃ dṛptaṃ dṛṣṭvā śatruṃ parājitam // (15.2) Par.?

dharmamārutaśakrāṇām aśvinoḥ pratimāstathā / (16.1) Par.?

dhārayanto dhvajāgreṣu draupadeyā mahārathāḥ // (16.2) Par.?

sātyakiścekitānaśca dhṛṣṭadyumnaśikhaṇḍinau / (17.1) Par.?

kekayā dhṛṣṭaketuśca matsyapāñcālasṛñjayāḥ // (17.2) Par.?

pāṇḍavāśca mudā yuktā yudhiṣṭhirapurogamāḥ / (18.1) Par.?

abhyavartanta sahitā droṇānīkaṃ bibhitsavaḥ // (18.2) Par.?

tato 'bhavanmahad yuddhaṃ tvadīyānāṃ paraiḥ saha / (19.1) Par.?

jayam ākāṅkṣamāṇānāṃ śūrāṇām anivartinām // (19.2) Par.?

duryodhano mahārāja rādheyam idam abravīt / (20.1) Par.?

paśya duḥśāsanaṃ vīram abhimanyuvaśaṃ gatam // (20.2) Par.?

pratapantam ivādityaṃ nighnantaṃ śātravān raṇe / (21.1) Par.?

saubhadram udyatāstrātum abhidhāvanti pāṇḍavāḥ // (21.2) Par.?

tataḥ karṇaḥ śaraistīkṣṇair abhimanyuṃ durāsadam / (22.1) Par.?

abhyavarṣata saṃkruddhaḥ putrasya hitakṛt tava // (22.2) Par.?

tasya cānucarāṃstīkṣṇair vivyādha parameṣubhiḥ / (23.1) Par.?

avajñāpūrvakaṃ vīraḥ saubhadrasya raṇājire // (23.2) Par.?

abhimanyustu rādheyaṃ trisaptatyā śilīmukhaiḥ / (24.1) Par.?

avidhyat tvarito rājan droṇaṃ prepsur mahāmanāḥ // (24.2) Par.?

taṃ tadā nāśakat kaścid droṇād vārayituṃ raṇe / (25.1) Par.?

ārujantaṃ rathaśreṣṭhān vajrahastam ivāsurān // (25.2) Par.?

tataḥ karṇo jayaprepsur mānī sarvadhanurbhṛtām / (26.1) Par.?

saubhadraṃ śataśo 'vidhyad uttamāstrāṇi darśayan // (26.2) Par.?

so 'strair astravidāṃ śreṣṭho rāmaśiṣyaḥ pratāpavān / (27.1) Par.?

samare śatrudurdharṣam abhimanyum apīḍayat // (27.2) Par.?

sa tathā pīḍyamānastu rādheyenāstravṛṣṭibhiḥ / (28.1) Par.?

samare 'marasaṃkāśaḥ saubhadro na vyaṣīdata // (28.2) Par.?

tataḥ śilāśitaistīkṣṇair bhallaiḥ saṃnataparvabhiḥ / (29.1) Par.?

chittvā dhanūṃṣi śūrāṇām ārjuniḥ karṇam ārdayat / (29.2) Par.?

sa dhvajaṃ kārmukaṃ cāsya chittvā bhūmau nyapātayat // (29.3) Par.?

tataḥ kṛcchragataṃ karṇaṃ dṛṣṭvā karṇād anantaraḥ / (30.1) Par.?

saubhadram abhyayāt tūrṇaṃ dṛḍham udyamya kārmukam // (30.2) Par.?

tata uccukruśuḥ pārthāsteṣāṃ cānucarā janāḥ / (31.1) Par.?

vāditrāṇi ca saṃjaghnuḥ saubhadraṃ cāpi tuṣṭuvuḥ // (31.2) Par.?

Duration=0.12598514556885 secs.