Texts

dhṛtarāṣṭra uvāca / (1.1) Par.?

aho khalu mahad duḥkhaṃ kṛcchravāsaṃ vasatyasau / (1.2) Par.?

kathaṃ tasya ratistatra tuṣṭir vā vadatāṃ vara // (1.3) Par.?

sa deśaḥ kva nu yatrāsau vasate dharmasaṃkaṭe / (2.1) Par.?

kathaṃ vā sa vimucyeta narastasmānmahābhayāt // (2.2) Par.?

etanme sarvam ācakṣva sādhu ceṣṭāmahe tathā / (3.1) Par.?

kṛpā me mahatī jātā tasyābhyuddharaṇena hi // (3.2) Par.?

vidura uvāca / (4.1) Par.?

upamānam idaṃ rājanmokṣavidbhir udāhṛtam / (4.2) Par.?

sugatiṃ vindate yena paralokeṣu mānavaḥ // (4.3) Par.?

yat tad ucyati kāntāraṃ mahat saṃsāra eva saḥ / (5.1) Par.?

vanaṃ durgaṃ hi yat tvetat saṃsāragahanaṃ hi tat // (5.2) Par.?

ye ca te kathitā vyālā vyādhayaste prakīrtitāḥ / (6.1) Par.?

yā sā nārī bṛhatkāyā adhitiṣṭhati tatra vai / (6.2) Par.?

tām āhustu jarāṃ prājñā varṇarūpavināśinīm // (6.3) Par.?

yastatra kūpo nṛpate sa tu dehaḥ śarīriṇām / (7.1) Par.?

yastatra vasate 'dhastānmahāhiḥ kāla eva saḥ / (7.2) Par.?

antakaḥ sarvabhūtānāṃ dehināṃ sarvahāryasau // (7.3) Par.?

kūpamadhye ca yā jātā vallī yatra sa mānavaḥ / (8.1) Par.?

pratāne lambate sā tu jīvitāśā śarīriṇām // (8.2) Par.?

sa yastu kūpavīnāhe taṃ vṛkṣaṃ parisarpati / (9.1) Par.?

ṣaḍvaktraḥ kuñjaro rājan sa tu saṃvatsaraḥ smṛtaḥ / (9.2) Par.?

mukhāni ṛtavo māsāḥ pādā dvādaśa kīrtitāḥ // (9.3) Par.?

ye tu vṛkṣaṃ nikṛntanti mūṣakāḥ satatotthitāḥ / (10.1) Par.?

rātryahāni tu tānyāhur bhūtānāṃ paricintakāḥ / (10.2) Par.?

ye te madhukarāstatra kāmāste parikīrtitāḥ // (10.3) Par.?

yāstu tā bahuśo dhārāḥ sravanti madhunisravam / (11.1) Par.?

tāṃstu kāmarasān vidyād yatra majjanti mānavāḥ // (11.2) Par.?

evaṃ saṃsāracakrasya parivṛttiṃ sma ye viduḥ / (12.1) Par.?

te vai saṃsāracakrasya pāśāṃśchindanti vai budhāḥ // (12.2) Par.?