UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1263
- Click on a sentence to show its analysis
- Keep the mouse pointer over a lemma to show its meanings.
svedas tāpopanāhoṣmadravabhedāc caturvidhaḥ / (1.1)
Par.?
tāpo 'gnitaptavasanaphālahastatalādibhiḥ // (1.2)
Par.?
upanāho vacākiṇvaśatāhvādevadārubhiḥ / (2.1)
Par.?
dhānyaiḥ samastair gandhaiś ca rāsnairaṇḍajaṭāmiṣaiḥ // (2.2)
Par.?
udriktalavaṇaiḥ snehacukratakrapayaḥplutaiḥ / (3.1)
Par.?
kevale pavane śleṣmasaṃsṛṣṭe surasādibhiḥ // (3.2)
Par.?
pittena padmakādyais tu śālvaṇākhyaiḥ punaḥ punaḥ / (4.1)
Par.?
snigdhoṣṇavīryair mṛdubhiś carmapaṭṭair apūtibhiḥ // (4.2)
Par.?
alābhe vātajitpattrakauśeyāvikaśāṭakaiḥ / (5.1)
Par.?
baddhaṃ rātrau divā muñcen muñced rātrau divākṛtam // (5.2)
Par.?
ūṣmā tūtkārikāloṣṭakapālopalapāṃsubhiḥ / (6.1)
Par.?
pattrabhaṅgena dhānyena karīṣasikatātuṣaiḥ // (6.2)
Par.?
anekopāyasaṃtaptaiḥ prayojyo deśakālataḥ / (7.1)
Par.?
śigruvāraṇakairaṇḍakarañjasurasārjakāt // (7.2)
Par.?
śirīṣavāsāvaṃśārkamālatīdīrghavṛntataḥ / (8.1)
Par.?
pattrabhaṅgair vacādyaiś ca māṃsaiś cānūpavārijaiḥ // (8.2)
Par.?
daśamūlena ca pṛthak sahitair vā yathāmalam / (9.1)
Par.?
snehavadbhiḥ surāśuktavārikṣīrādisādhitaiḥ // (9.2)
Par.?
kumbhīr galantīr nāḍīr vā pūrayitvā rujārditam / (10.1)
Par.?
vāsasācchāditaṃ gātraṃ snigdhaṃ siñced yathāsukham // (10.2)
Par.?
tair eva vā dravaiḥ pūrṇaṃ kuṇḍaṃ sarvāṅgage 'nile / (11.1)
Par.?
avagāhyāturas tiṣṭhed arśaḥkṛcchrādirukṣu ca // (11.2)
Par.?
nivāte 'ntarbahiḥsnigdho jīrṇānnaḥ svedam ācaret / (12.1)
Par.?
vyādhivyādhitadeśartuvaśān madhyavarāvaram // (12.2)
Par.?
kaphārto rūkṣaṇaṃ rūkṣo rūkṣaḥ snigdhaṃ kaphānile / (13.1)
Par.?
āmāśayagate vāyau kaphe pakvāśayāśrite // (13.2)
Par.?
rūkṣapūrvaṃ tathā snehapūrvaṃ sthānānurodhataḥ / (14.1)
Par.?
alpaṃ vaṅkṣaṇayoḥ svalpaṃ dṛṅmuṣkahṛdaye na vā // (14.2)
Par.?
śītaśūlakṣaye svinno jāte 'ṅgānāṃ ca mārdave / (15.1)
Par.?
syāc chanair mṛditaḥ snātas tataḥ snehavidhiṃ bhajet // (15.2)
Par.?
pittāsrakopatṛṇmūrchāsvarāṅgasadanabhramāḥ / (16.1)
Par.?
saṃdhipīḍā jvaraḥ śyāvaraktamaṇḍaladarśanam // (16.2)
Par.?
svedātiyogāc chardiś ca tatra stambhanam auṣadham / (17.1)
Par.?
viṣakṣārāgnyatīsāracchardimohātureṣu ca // (17.2)
Par.?
svedanaṃ guru tīkṣṇoṣṇaṃ prāyaḥ stambhanam anyathā / (18.1)
Par.?
dravasthirasarasnigdharūkṣasūkṣmaṃ ca bheṣajam // (18.2)
Par.?
svedanaṃ stambhanaṃ ślakṣṇaṃ rūkṣasūkṣmasaradravam / (19.1)
Par.?
prāyas tiktaṃ kaṣāyaṃ ca madhuraṃ ca samāsataḥ // (19.2)
Par.?
stambhitaḥ syād bale labdhe yathoktāmayasaṃkṣayāt / (20.1) Par.?
stambhatvaksnāyusaṃkocakampahṛdvāgghanugrahaiḥ // (20.2)
Par.?
pādauṣṭhatvakkaraiḥ śyāvair atistambhitam ādiśet / (21.1)
Par.?
na svedayed atisthūlarūkṣadurbalamūrchitān // (21.2)
Par.?
stambhanīyakṣatakṣīṇakṣāmamadyavikāriṇaḥ / (22.1)
Par.?
timirodaravīsarpakuṣṭhaśoṣāḍhyarogiṇaḥ // (22.2)
Par.?
pītadugdhadadhisnehamadhūn kṛtavirecanān / (23.1)
Par.?
bhraṣṭadagdhagudaglānikrodhaśokabhayārditān // (23.2)
Par.?
kṣuttṛṣṇākāmalāpāṇḍumehinaḥ pittapīḍitān / (24.1)
Par.?
garbhiṇīṃ puṣpitāṃ sūtāṃ mṛdu cātyayike gade // (24.2)
Par.?
śvāsakāsapratiśyāyahidhmādhmānavibandhiṣu / (25.1)
Par.?
svarabhedānilavyādhiśleṣmāmastambhagaurave // (25.2)
Par.?
aṅgamardakaṭīpārśvapṛṣṭhakukṣihanugrahe / (26.1)
Par.?
mahattve muṣkayoḥ khalyām āyāme vātakaṇṭake // (26.2)
Par.?
mūtrakṛcchrārbudagranthiśukrāghātāḍhyamārute / (27.1)
Par.?
svedaṃ yathāyathaṃ kuryāt tadauṣadhavibhāgataḥ // (27.2)
Par.?
svedo hitas tv anāgneyo vāte medaḥkaphāvṛte / (28.1)
Par.?
nivātaṃ gṛham āyāso guruprāvaraṇaṃ bhayam // (28.2)
Par.?
snehaklinnāḥ koṣṭhagā dhātugā vā srotolīnā ye ca śākhāsthisaṃsthāḥ / (29.1)
Par.?
doṣāḥ svedais te dravīkṛtya koṣṭhaṃ nītāḥ samyak śuddhibhir nirhriyante // (29.2)
Par.?
Duration=0.095458984375 secs.