UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2729
- Click on a sentence to show its analysis
- Keep the mouse pointer over a lemma to show its meanings.
jatrūrdhvakaphavātotthavikārāṇām ajanmane / (1.1)
Par.?
ucchedāya ca jātānāṃ pibed dhūmaṃ sadātmavān // (1.2)
Par.?
snigdho madhyaḥ sa tīkṣṇaśca vāte vātakaphe kaphe / (2.1)
Par.?
yojyo na raktapittārtiviriktodaramehiṣu // (2.2)
Par.?
timirordhvānilādhmānarohiṇīdattavastiṣu / (3.1)
Par.?
matsyamadyadadhikṣīrakṣaudrasnehaviṣāśiṣu // (3.2)
Par.?
śirasyabhihate pāṇḍuroge jāgarite niśi / (4.1)
Par.?
raktapittāndhyabādhiryatṛṇmūrchāmadamohakṛt // (4.2)
Par.?
dhūmo 'kāle 'tipīto vā tatra śīto vidhir hitaḥ / (5.1)
Par.?
kṣutajṛmbhitaviṇmūtrastrīsevāśastrakarmaṇām // (5.2)
Par.?
hāsasya dantakāṣṭhasya dhūmam ante piben mṛdum / (6.1)
Par.?
kāleṣveṣu niśāhāranāvanānte ca madhyamam // (6.2)
Par.?
nidrānasyāñjanasnānaccharditānte virecanam / (7.1)
Par.?
vastinetrasamadravyaṃ trikośaṃ kārayed ṛju // (7.2)
Par.?
mūlāgre 'ṅguṣṭhakolāsthipraveśaṃ dhūmanetrakam / (8.1)
Par.?
tīkṣṇasnehanamadhyeṣu trīṇi catvāri pañca ca // (8.2)
Par.?
aṅgulānāṃ kramāt pātuḥ pramāṇenāṣṭakāni tat / (9.1)
Par.?
ṛjūpaviṣṭas taccetā vivṛtāsyas triparyayam // (9.2)
Par.?
pidhāya chidram ekaikaṃ dhūmaṃ nāsikayā pibet / (10.1)
Par.?
prāk piben nāsayotkliṣṭe doṣe ghrāṇaśirogate // (10.2)
Par.?
utkleśanārthaṃ vaktreṇa viparītaṃ tu kaṇṭhage / (11.1)
Par.?
mukhenaivodvamed dhūmaṃ nāsayā dṛgvighātakṛt // (11.2)
Par.?
ākṣepamokṣaiḥ pātavyo dhūmas tu tris tribhis tribhiḥ / (12.1)
Par.?
ahnaḥ pibet sakṛt snigdhaṃ dvir madhyaṃ śodhanaṃ param // (12.2)
Par.?
triścatur vā mṛdau tatra dravyāṇyaguru guggulu / (13.1)
Par.?
mustasthauṇeyaśaileyanaladośīravālakam // (13.2)
Par.?
varāṅgakauntīmadhukabilvamajjailavālukam / (14.1)
Par.?
śrīveṣṭakaṃ sarjaraso dhyāmakaṃ madanaṃ plavam // (14.2)
Par.?
śallakī kuṅkumaṃ māṣā yavāḥ kundurukas tilāḥ / (15.1)
Par.?
snehaḥ phalānāṃ sārāṇāṃ medo majjā vasā ghṛtam // (15.2)
Par.?
śamane śallakī lākṣā pṛthvīkā kamalotpalam / (16.1)
Par.?
nyagrodhodumbarāśvatthaplakṣalodhratvacaḥ sitā // (16.2)
Par.?
yaṣṭīmadhu suvarṇatvak padmakaṃ raktayaṣṭikā / (17.1)
Par.?
gandhāś cākuṣṭhatagarās tīkṣṇe jyotiṣmatī niśā // (17.2)
Par.?
daśamūlamanohvālaṃ lākṣā śvetā phalatrayam / (18.1)
Par.?
gandhadravyāṇi tīkṣṇāni gaṇo mūrdhavirecanaḥ // (18.2)
Par.?
jale sthitām ahorātram iṣīkāṃ dvādaśāṅgulām / (19.1)
Par.?
piṣṭair dhūmauṣadhair evaṃ pañcakṛtvaḥ pralepayet // (19.2)
Par.?
vartir aṅguṣṭhakasthūlā yavamadhyā yathā bhavet / (20.1)
Par.?
chāyāśuṣkāṃ vigarbhāṃ tāṃ snehābhyaktāṃ yathāyatham // (20.2)
Par.?
dhūmanetrārpitāṃ pātum agnipluṣṭāṃ prayojayet / (21.1)
Par.?
śarāvasampuṭacchidre nāḍīṃ nyasya daśāṅgulām // (21.2)
Par.?
kāsaḥ śvāsaḥ pīnaso visvaratvaṃ pūtir gandhaḥ pāṇḍutā keśadoṣaḥ / (22.1)
Par.?
karṇāsyākṣisrāvakaṇḍvartijāḍyaṃ tandrā hidhmā dhūmapaṃ na spṛśanti // (22.2) Par.?
Duration=0.068387985229492 secs.