UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5419
- Click on a sentence to show its analysis
- Keep the mouse pointer over a lemma to show its meanings.
devakūṭe girau madhye mahākūṭe suśobhane / (1.2)
Par.?
hemavaiḍūryamāṇikyanīlagomedakāntibhiḥ // (1.3)
Par.?
tathānyairmaṇimukhyaiś ca nirmite nirmale śubhe / (2.1)
Par.?
śākhāśatasahasrāḍhye sarvadrumavibhūṣite // (2.2)
Par.?
campakāśokapuṃnāgavakulāsanamaṇḍite / (3.1)
Par.?
pārijātakasampūrṇe nānāpakṣigaṇānvite // (3.2)
Par.?
naikadhātuśataiścitre vicitrakusumākule / (4.1)
Par.?
nitambapuṣpasālambe naikasattvagaṇānvite // (4.2)
Par.?
vimalasvādupānīye naikaprasravaṇairyute / (5.1)
Par.?
nirjharaiḥ kusumākīrṇairanekaiś ca vibhūṣite // (5.2)
Par.?
puṣpoḍupavahābhiś ca sravantībhir alaṃkṛte / (6.1)
Par.?
snigdhavarṇaṃ mahāmūlamanekaskandhapādapam // (6.2)
Par.?
ramyaṃ hyaviralacchāyaṃ daśayojanamaṇḍalam / (7.1)
Par.?
tatra bhūtavanaṃ nāma nānābhūtagaṇālayam // (7.2)
Par.?
mahādevasya devasya śaṅkarasya mahātmanaḥ / (8.1)
Par.?
dīptamāyatanaṃ tatra mahāmaṇivibhūṣitam // (8.2)
Par.?
hemaprākārasaṃyuktaṃ maṇitoraṇamaṇḍitam / (9.1)
Par.?
sphāṭikaiś ca vicitraiś ca gopuraiś ca samanvitam // (9.2)
Par.?
siṃhāsanairmaṇimayaiḥ śubhāstaraṇasaṃyutaiḥ / (10.1)
Par.?
kṣitāvitastataḥ samyak śarveṇādhiṣṭhitaiḥ śubhaiḥ // (10.2)
Par.?
amlānamālānicitair nānāvarṇair gṛhottamaiḥ / (11.1)
Par.?
maṇḍapaiḥ suvicitraistu sphāṭikastambhasaṃyutaiḥ // (11.2)
Par.?
saṃyutaṃ sarvabhūtendrair brahmendropendrapūjitaiḥ / (12.1)
Par.?
varāhagajasiṃharkṣaśārdūlakarabhānanaiḥ // (12.2)
Par.?
gṛdhrolūkamukhaiścānyair mṛgoṣṭrājamukhairapi / (13.1)
Par.?
pramathairvividhaiḥ sthūlairgirikūṭopamaiḥ śubhaiḥ // (13.2)
Par.?
karālairharikeśaiś ca romaśaiś ca mahābhujaiḥ / (14.1)
Par.?
nānāvarṇākṛtidharair nānāsaṃsthānasaṃsthitaiḥ // (14.2)
Par.?
dīptāsyair dīptacaritair nandīśvaramukhaiḥ śubhaiḥ / (15.1)
Par.?
brahmendraviṣṇusaṃkāśair aṇimādiguṇānvitaiḥ // (15.2)
Par.?
aśūnyam amarair nityaṃ mahāpariṣadais tathā / (16.1)
Par.?
tatra bhūtapaterdevāḥ pūjāṃ nityaṃ prayuñjate // (16.2)
Par.?
jharjharaiḥ śaṅkhapaṭahairbherīḍiṇḍimagomukhaiḥ / (17.1)
Par.?
lalitāvasitodgītair vṛttavalgitagarjitaiḥ // (17.2)
Par.?
pūjito vai mahādevaḥ pramathaiḥ pramatheśvaraḥ / (18.1)
Par.?
siddharṣidevagandharvair brahmaṇā ca mahātmanā // (18.2)
Par.?
upendrapramukhaiścānyaiḥ pūjitastatra śaṃkaraḥ / (19.1)
Par.?
vibhaktacāruśikharaṃ yatra tacchaṅkhavarcasam // (19.2)
Par.?
Kailāsa
kailāso yakṣarājasya kuberasya mahātmanaḥ / (20.1)
Par.?
nivāsaḥ koṭiyakṣāṇāṃ tathānyeṣāṃ mahātmanām // (20.2)
Par.?
tatrāpi devadevasya bhavasyāyatanaṃ mahat / (21.1)
Par.?
tasminnāyatane somaḥ sadāste sagaṇo haraḥ // (21.2)
Par.?
yatra mandākinī nāma nalinī vipulodakā / (22.1)
Par.?
suvarṇamaṇisopānā kuberaśikhare śubhe // (22.2)
Par.?
jāṃbūnadamayaiḥ padmairgandhasparśaguṇānvitaiḥ / (23.1)
Par.?
nīlavaiḍūryapatraiś ca gandhopetairmahotpalaiḥ // (23.2)
Par.?
tathā kumudaṣaṇḍaiś ca mahāpadmair alaṃkṛtā / (24.1)
Par.?
yakṣagandharvanārībhir apsarobhiś ca sevitā // (24.2)
Par.?
devadānavagandharvairyakṣarākṣasakinnaraiḥ / (25.1)
Par.?
upaspṛṣṭajalā puṇyā nadī mandākinī śubhā // (25.2)
Par.?
tasyāścottarapārśve tu bhavasyāyatanaṃ śubham / (26.1)
Par.?
vaiḍūryamaṇisampannaṃ tatrāste śaṅkaro 'vyayaḥ // (26.2)
Par.?
dvijāḥ kanakanandāyāstīre vai prāci dakṣiṇe / (27.1) Par.?
vanaṃ dvijasahasrāḍhyaṃ mṛgapakṣisamākulam // (27.2)
Par.?
tatrāpi sagaṇaḥ sāmbaḥ krīḍate'drisame gṛhe / (28.1)
Par.?
nandāyāḥ paścime tīre kiṃcid vai dakṣiṇāśrite // (28.2)
Par.?
puraṃ rudrapurī nāma nānāprāsādasaṃkulam / (29.1)
Par.?
tatrāpi śatadhā kṛtvā hyātmānaṃ cāmbayā saha // (29.2)
Par.?
krīḍate sagaṇaḥ sāmbas tacchivālayam ucyate / (30.1)
Par.?
evaṃ śatasahasrāṇi śarvasyāyatanāni tu // (30.2)
Par.?
pratidvīpe muniśreṣṭhāḥ parvateṣu vaneṣu ca / (31.1)
Par.?
nadīnadataṭākānāṃ tīreṣvarṇavasaṃdhiṣu // (31.2)
Par.?
iti śrīliṅgamahāpurāṇe pūrvabhāge ekapañcāśattamo 'dhyāyaḥ // (32.1)
Par.?
Duration=0.10917687416077 secs.